ਕੇਂਦਰ ਵੱਲੋਂ ਕਣਕ ਦੇ ਖਰੀਦ ਮਾਪ ਦੰਡਾਂ ਚ ਦਿੱਤੀ ਛੋਟ ਤੋਂ ਬਾਅਦ ਪੰਜਾਬ ਦੀਆਂ ਮੰਡੀਆਂ ਚ ਖਰੀਦ ਚ ਆਈ ਤੇਜ਼ੀ

ਕੇਂਦਰ ਸਰਕਾਰ ਵੱਲੋਂ ਸਾਲ 2026-27 ਲਈ ਕਣਕ ਦੀ ਖ਼ਰੀਦ ਦੇ ਮਾਪਦੰਡਾਂ ਵਿੱਚ ਦਿੱਤੀ ਗਈ ਢਿੱਲ ਮਗਰੋਂ ਪੰਜਾਬ ਦੀਆਂ ਮੰਡੀਆਂ ਵਿੱਚ ਕਣਕ ਦੀ ਖ਼ਰੀਦ ਮਾਰਕਫੈੱਡ 6.16 ਲੱਖ ਟਨ ਦੀ ਖ਼ਰੀਦ ਨਾਲ ਸਭ ਤੋਂ ਅੱਗੇ ਹੈ। ਇਸ ਤੋਂ ਇਲਾਵਾ ਪਨਗ੍ਰੇਨ (ਨਾਨ ਡੀ ਸੀ ਪੀ) ਨੇ 5.89 ਲੱਖ ਟਨ, ਪਨਸਪ ਨੇ 5.16 ਲੱਖ ਟਨ, ਪੰਜਾਬ ਸਟੇਟ ਵੇਅਰਹਾਊਸਿੰਗ ਕਾਰਪੋਰੇਸ਼ਨ ਨੇ 3.76 ਲੱਖ ਟਨ, ਪਨਗ੍ਰੇਨ (ਡੀ ਸੀ ਪੀ) ਨੇ 2.65 ਲੱਖ ਟਨ ਅਤੇ ਐੱਫ ਸੀ ਆਈ ਨੇ 15,139 ਟਨ ਕਣਕ ਖ਼ਰੀਦੀ ਹੈ।
ਸੂਬੇ ਵਿੱਚ ਮੌਸਮ ਸਾਫ਼ ਹੋਣ ਕਰ ਕੇ ਕਣਕ ਦੀ ਵਾਢੀ ਨੇ ਵੀ ਜ਼ੋਰ ਫੜ ਲਿਆ ਹੈ। ਵੱਡੀ ਗਿਣਤੀ ਕਿਸਾਨ ਖੇਤਾਂ ’ਚੋਂ ਫ਼ਸਲ ਦੀ ਵਾਢੀ ਕਰ ਕੇ ਮੰਡੀਆਂ ’ਚ ਪਹੁੰਚ ਰਹੇ ਹਨ।
ਡੱਬੀ…
ਪਟਿਆਲਾ ਜ਼ਿਲ੍ਹਾ ਕਣਕ ਦੀ ਖਰੀਦ’ਚ ਮੋਹਰੀ ਪਟਿਆਾ ਜ਼ਿਲਾ ਪੰਜਾਬ ਦੇ ਦੂਜੇ ਜ਼ਿਲ੍ਹਿਆਂ ਚ ਕਣਕ ਦੀ ਖਰੀਦ ਚ ਸਭ ਤੋਂ ਅੱਗੇ ਚੱਲ ਰਿਹਾ ਹੈ!ਪਠਾਨਕੋਟ ’ਚ ਸਭ ਤੋਂ ਘੱਟ ਖ਼ਰੀਦ ਹੋਈ ਹੈ!
ਪਟਿਆਲਾ ਦੀਆਂ ਮੰਡੀਆਂ ਵਿੱਚ ਸਭ ਤੋਂ ਵੱਧ 3.06 ਲੱਖ ਟਨ ਕਣਕ ਖ਼ਰੀਦੀ ਗਈ ਹੈ। ਇਸ ਦੇ ਉਲਟ ਪਠਾਨਕੋਟ ਵਿੱਚ ਸਭ ਤੋਂ ਘੱਟ 3,285 ਟਨ ਖ਼ਰੀਦ ਦਰਜ ਕੀਤੀ ਗਈ। ਹੋਰਨਾਂ ਜ਼ਿਲ੍ਹਿਆਂ ਵਿੱਚੋਂ ਸੰਗਰੂਰ 2.51 ਲੱਖ ਟਨ, ਫਿਰੋਜ਼ਪੁਰ 2.05 ਲੱਖ ਟਨ, ਤਰਨ ਤਾਰਨ 1.79 ਲੱਖ ਟਨ, ਮਾਨਸਾ 1.45 ਲੱਖ ਟਨ, ਬਠਿੰਡਾ 1.33 ਲੱਖ ਟਨ ਅਤੇ ਮੋਗਾ 1.14 ਲੱਖ ਟਨ ਨਾਲ ਮੋਹਰੀ ਰਹੇ। ਇਸ ਤੋਂ ਇਲਾਵਾ ਫਾਜ਼ਿਲਕਾ ਵਿੱਚ 95,126 ਟਨ, ਬਰਨਾਲਾ ਵਿੱਚ 94,265 ਟਨ, ਫਰੀਦਕੋਟ ਵਿੱਚ 89,950 ਟਨ, ਅੰਮ੍ਰਿਤਸਰ ਵਿੱਚ 84,528 ਟਨ, ਲੁਧਿਆਣਾ ਪੂਰਬੀ ’ਚ 81,377 ਟਨ, ਲੁਧਿਆਣਾ ਪੱਛਮੀ ’ਚ 79,262 ਟਨ, ਕਪੂਰਥਲਾ ’ਚ 79,596 ਟਨ, ਫਤਹਿਗੜ੍ਹ ਸਾਹਿਬ ’ਚ 60,055 ਟਨ, ਮੁਹਾਲੀ ’ਚ 57,166 ਟਨ, ਜਲੰਧਰ ’ਚ 48,793 ਟਨ, ਰੂਪਨਗਰ ’ਚ 41,095 ਟਨ, ਮਾਲੇਰਕੋਟਲਾ ’ਚ 40,908 ਟਨ, ਗੁਰਦਾਸਪੁਰ ’ਚ 30,883 ਟਨ, ਨਵਾਂ ਸ਼ਹਿਰ ’ਚ 28,299 ਟਨ ਤੇ ਹੁਸ਼ਿਆਰਪੁਰ ’ਚ 26,309 ਟਨ ਕਣਕ ਦੀ ਖ਼ਰੀਦ ਕੀਤੀ ਗਈ ਹੈ। ਪਟਿਆਲਾ ਜਿਲ੍ਹੇ ਦੀਆਂ ਮੰਡੀਆਂ ਵਿੱਚ ਕਣਕ ਦੀ ਖਰੀਦ ਨੇ ਤੇਜ਼ੀ ਫਰ ਲਈ ਹੈ ਪਰੰਤੂ ਬੋਰੀਆਂ ਦੀ ਲਿਫਟਿੰਗ ਨਾਂ ਹੋਣ ਕਾਰਨ ਮੰਡੀਆਂ ਚ ਬੋਰੀਆਂ ਦੇ ਅੰਬਾਰ ਲੱਗ ਗਏ ਹਨ! ਆਸ ਹੈ ਅਗਲੇ ਦਿਨਾਂ ਚ ਲਿਫਟਿੰਗ ਚ ਤੇਜ਼ੀ ਆਉਣ ਦੀ ਸੰਭਾਵਨਾ ਹੈ!