ਹੋਰਮੁਜ਼ ਨੂੰ ਬਾਈਪਾਸ ਕਰਕੇ ਦੁਨੀਆ ਨੂੰ ਤੇਲ ਵੇਚੇਗਾ ਯੂਏਈ , ਭਾਰਤ ਨੂੰ ਮਿਲੇਗਾ ਫਾਇਦਾ

ਸੰਯੁਕਤ ਅਰਬ ਅਮੀਰਾ (ਯੂਏਈ ) ਨੇ ਤੇਲ ਨਿਰਯਾਤ ਲਈ ਵਿਵਾਦਤ ਹੋਰਮੁਜ਼ ਜਲਡਮਰੂਮੱਧ ਰੂਟ ਦਾ ਬਦਲ ਲੱਭ ਲਿਆ ਹੈ। ਹੁਣ ਯੂਏਈ ਆਪਣੀ ਹਬਸ਼ਾਨ-ਫੁਜੈਰਾਹ ਤੇਲ ਪਾਈਪਲਾਈਨ ਰਾਹੀਂ ਤੇਲ ਨੂੰ ਸਿੱਧਾ ਫੁਜੈਰਾਹ ਬੰਦਰਗਾਹ ਤੱਕ ਪਹੁੰਚਾ ਸਕਦਾ ਹੈ ਅਤੇ ਉੱਥੋਂ ਸਮੁੰਦਰੀ ਮਾਰਗ ਰਾਹੀਂ ਦੁਨੀਆ ਦੇ ਕਿਸੇ ਵੀ ਹਿੱਸੇ ਵਿੱਚ ਤੇਲ ਭੇਜ ਸਕਦਾ ਹੈ।
ਸਿੰਗਾਪੁਰ ’ਚ ਜ਼ੁਬੀਨ ਗਰਗ ਦੀ ਮੌਤ ਦੇ ਮਾਮਲੇ ’ਚ ਜਹਾਜ਼ ਸੰਚਾਲਕਾਂ ’ਤੇ ਉੱਠੇ ਸਵਾਲ; ਸਮੁੰਦਰ ’ਚ ਡੁੱਬਣ ਕਾਰਨ ਗਈ ਸੀ ਗਾਇਕ ਦੀ ਜਾਨ
ਇਸ ਨਵੇਂ ਰਸਤੇ ਕਾਰਨ ਹੁਣ ਉਸ ਨੂੰ ਤੇਲ ਸਪਲਾਈ ਲਈ ਹੋਰਮੁਜ਼ ਦੇ ਖ਼ਤਰਨਾਕ ਰਸਤੇ ਨੂੰ ਪਾਰ ਕਰਨ ਦੀ ਲੋੜ ਨਹੀਂ ਪਵੇਗੀ। ਇਸ ਨਾਲ ਭਾਰਤ ਨੂੰ ਵਿਸ਼ੇਸ਼ ਤੌਰ ’ਤੇ ਫਾਇਦਾ ਹੋਣ ਦੀ ਉਮੀਦ ਹੈ, ਕਿਉਂਕਿ ਹਾਲ ਹੀ ਵਿੱਚ ”15 ਨੇ ਤੇਲ ਉਤਪਾਦਕ ਦੇਸ਼ਾਂ ਦੇ ਸੰਗਠਨ ਓਪੇਕ ਤੋਂ ਬਾਹਰ ਹੋਣ ਦਾ ਐਲਾਨ ਕੀਤਾ ਹੈ।
ਓਪੇਕ ਤੋਂ ਬਾਹਰ ਆਉਣ ਦਾ ਮਤਲਬ ਹੈ ਕਿ ਹੁਣ ਯੂਏਈ ’ਤੇ ਤੇਲ ਉਤਪਾਦਨ ਦੀ ਕੋਈ ਸੀਮਾ ਲਾਗੂ ਨਹੀਂ ਹੋਵੇਗੀ। ਉਹ ਆਪਣੀ ਪੂਰੀ ਸਮਰੱਥਾ ਅਨੁਸਾਰ ਤੇਲ ਦਾ ਉਤਪਾਦਨ ਅਤੇ ਨਿਰਯਾਤ ਕਰ ਸਕੇਗਾ। ਇਹ ਘਟਨਾਕ੍ਰਮ ਭਾਰਤ ਲਈ ਬਹੁਤ ਸਕਾਰਾਤਮਕ ਹੈ ਕਿਉਂਕਿ ਹੋਰਮੁਜ਼ ਜਲਡਮਰੂਮੱਧ ਦੇ ਬਲਾਕ ਹੋਣ ਕਾਰਨ ਖਾੜੀ ਦੇਸ਼ਾਂ ਤੋਂ ਹੋਣ ਵਾਲੀ ਤੇਲ ਦੀ ਸਪਲਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਸੀ।
ਯੂਏਈ ਦਾ ਮੁੱਖ ਉਦੇਸ਼ ਆਪਣੀ ਤੇਲ ਸਪਲਾਈ ਨੂੰ ਸੁਰੱਖਿਅਤ ਬਣਾਉਣਾ ਹੈ। ਹਬਸ਼ਾਨ-ਫੁਜੈਰਾਹ ਪਾਈਪਲਾਈਨ ਦੀ ਵਰਤੋਂ ਕਰਕੇ ਉਹ ਈਰਾਨ ਦੇ ਪ੍ਰਭਾਵ ਵਾਲੇ ਖੇਤਰ (ਹੋਰਮੁਜ਼) ਤੋਂ ਬਚ ਕੇ ਸਿੱਧਾ ਅਰਬ ਸਾਗਰ ਰਾਹੀਂ ਭਾਰਤ ਅਤੇ ਹੋਰ ਏਸ਼ੀਆਈ ਦੇਸ਼ਾਂ ਤੱਕ ਪਹੁੰਚ ਕਰ ਸਕਦਾ ਹੈ। ਇਸ ਨਾਲ ਨਾ ਸਿਰਫ਼ ਤੇਲ ਦੀ ਸਪਲਾਈ ਨਿਰੰਤਰ ਜਾਰੀ ਰਹੇਗੀ, ਸਗੋਂ ਜੰਗੀ ਹਾਲਾਤਾਂ ਵਿੱਚ ਵੀ ਤੇਲ ਦੀ ਕਿੱਲਤ ਨਹੀਂ ਹੋਵੇਗੀ।