ਪਿੰਡ ਸਹੌੜਾ ਨਜ਼ਦੀਕ ਹੋਏ ਸੜਕ ਹਾਦਸੇ ਵਿਚ ਦੋ ਦੋਸਤਾਂ ਦੀ ਮੌਤ

ਖਰੜ-ਕੁਰਾਲੀ ਸੜਕ ਉਤੇ ਪਿੰਡ ਸਹੌੜਾ ਨਜ਼ਦੀਕ ਬੀਤੀ ਰਾਤ ਹੋਏ ਸੜਕ ਹਾਦਸੇ ਵਿਚ ਸਵਰਾਜ ਫੈਕਟਰੀ ਚੱਪੜਚਿੜੀ ਵਿਚ ਕੰਮ ਕਰਦੇ ਹੋਏ ਦੋ ਦੋਸਤਾਂ ਦੀ ਮੌਤ ਹੋ ਗਈ। ਇਸ ਸਬੰਧੀ ਖਰੜ ਸਦਰ ਪੁਲੀਸ ਨੇ ਬਲਜੀਤ ਕੁਮਾਰ ਵਾਸੀ ਕੁਰਾਲੀ ਦੇ ਬਿਆਨਾਂ ਤੇ ਟੈਂਕਰ ਨੰਬਰ ਪੀ ਬੀ 65 ਬੀ ਬੀ 7956 ਦੇ ਨਾਮਾਲੂਮ ਡਰਾਈਵਰ ਦੇ ਵਿਰੁੱਧ ਬੀ ਐਨ ਐਸ ਦੀ ਧਾਰਾ 281, 106 (1) ਅਤੇ 324 (4) ਅਧੀਨ ਕੇਸ ਦਰਜ ਕਰ ਲਿਆ।
ਇਸ ਸਬੰਧ ਵਿਚ ਬਲਜੀਤ ਕੁਮਾਰ ਨੇ ਪੁਲੀਸ ਨੂੰ ਦੱਸਿਆ ਕਿ ਉਸਦਾ ਲੜਕਾ ਅਮਿਤ ਕੁਮਾਰ (24 ਸਾਲ) ਸਵਰਾਜ ਫੈਕਟਰੀ ਚੱਪੜਚਿੜੀ ਵਿਖੇ ਕੰਮ ਕਰਦਾ ਸੀ। ਉਹ ਆਪਣੇ ਦੋਸਤ ਉਮੇਸ਼ ਜੋ ਉਸੇ ਫੈਕਟਰੀ ਵਿਚ ਕੰਮ ਕਰਦਾ ਸੀ, ਨਾਲ ਘੁੰਮਣ ਗਿਆ ਸੀ। ਉਹ ਦੋਨੋਂ ਰਾਤ ਸਮੇਂ ਮੋਟਰ ਸਾਈਕਲ ਤੇ ਸਵਾਰ ਹੋ ਕੇ ਕੁਰਾਲੀ ਨੂੰ ਜਾ ਰਹੇ ਸੀ ਤਾਂ ਜਦੋਂ ਉਹ ਪਿੰਡ ਸਹੌੜਾ ਨਜ਼ਦੀਕ ਪਹੁੰਚੇ ਤਾਂ ਇਸ ਟੈਂਕਰ ਦੇ ਡਰਾਈਵਰ ਨੇ ਕੱਟ ਮਾਰਦੇ ਹੋਏ ਅਣਗਹਿਲੀ ਨਾਲ ਉਨਾਂ ਦੇ ਮੋਟਰ ਸਾਈਕਲ ਨੂੰ ਟੱਕਰ ਮਾਰੀ ਅਤੇ ਉਨਾਂ ਦੋਨਾਂ ਨੂੰ ਘੜੀਸਦਾ ਹੋਇਆ ਦੂਰ ਤੱਕ ਲੈ ਗਿਆ। ਇਹ ਦੋਨੋਂ ਗੰਭੀਰ ਰੂਪ ਵਿਚ ਜਖਮੀ ਹੋ ਗਏ ਅਤੇ ਟੈਂਕਰ ਚਾਲਕ ਉਥੋਂ ਫਰਾਰ ਹੋ ਗਿਆ। ਉਨਾਂ ਨੂੰ ਪਹਿਲਾਂ ਇੱਕ ਪ੍ਰਾਈਵੇਟ ਹਸਪਤਾਲ ਲਿਜਾਂਦਾ ਗਿਆ ਜਿਥੋਂ ਫਿਰ ਉਨਾਂ ਨੂੰ ਮੁਹਾਲੀ ਦੇ 6 ਫੇਜ ਹਸਪਤਾਲ ਵਿਚ ਭੇਜ ਦਿੱਤਾ ਗਿਆ। ਉਥੇ ਡਾਕਟਰਾਂ ਨੇ ਉਨਾਂ ਨੂੰ ਮਿ?ਰਤਕ ਘੋਸਿਤ ਕਰ ਦਿੱਤਾ। ਪੁਲੀਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।