ਐੱਸ ਐੱਮ ਓ ਖਰੜ ਡਾਕਟਰ ਰਾਜੇਸ਼ ਕੁਮਾਰ ਦੀ ਬਦਲੀ ਤੁਰੰਤ ਰੱਦ ਕਰਨ ਦੀ ਮੰਗ।

ਖਰੜ ਇਲਾਕੇ ਦੀਆਂ ਵਖ ਵਖ ਜਥੇਬੰਦੀਆ ਦੀ ਇਕ ਵਿਸ਼ੇਸ਼ ਮੀਟਿੰਗ ਸਮਾਜ ਸੇਵੀ ਅਸ਼ੋਕ ਬਜਹੇੜੀ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਸਿਵਲ ਹਸਪਤਾਲ ਖਰੜ ਦੇ ਐੱਸ ਐੱਮ ਓ ਡਾਕਟਰ ਰਾਜੇਸ਼ ਕੁਮਾਰ ਦੀ ਕੀਤੀ ਗਈ ਬਦਲੀ ਤੇ ਵਿਚਾਰ ਕੀਤਾ ਗਿਆ। ਮੀਟਿੰਗ ਵਿੱਚ ਸ਼ਾਮਲ ਸਿਟੀਜਨ ਵੈਲਫੇਅਰ ਕਲੱਬ ਤੋਂ ਬਲਵਿੰਦਰ ਸਿੰਘ ਰਤੋਂ, ਸਰਪੰਚ ਜਸਪਾਲ ਸਿੰਘ ਬਜਹੇੜੀ, ਜਾਗਰ ਸਿੰਘ ਧੜਾਕ, ਜਸਵਿੰਦਰ ਸਿੰਘ ਨਿਆਮੀਆਂ, ਲਾਇਨ ਕਲੱਬ ਤੋਂ ਪ੍ਰਧਾਨ ਮੇਜਰ ਸਿੰਘ ਬਜਹੇੜੀ, ਸੁਭਾਸ਼ ਅਗਰਵਾਲ, ਨੋਜਵਾਨ ਸਭਾ ਬਜਹੇੜੀ ਤੋਂ ਅਮਨਦੀਪ ਮਾਨ, ਅਮਰਜੀਤ ਸਿੰਘ, ਸਰਪੰਚ ਭੁਪਿੰਦਰ ਸਿੰਘ, ਤਰਕਸ਼ੀਲ ਸੁਸਾਇਟੀ ਤੋਂ ਪਿੰ: ਗੁਰਮੀਤ ਖਰੜ, ਭੁਪਿੰਦਰ ਮਦਨਹੇੜੀ, ਵਿਕਰਮਜੀਤ ਸੋਨੀ ਨੇ ਦੱਸਿਆ ਕਿ ਡਾਕਟਰ ਰਾਜੇਸ਼ ਕੁਮਾਰ ਪਿਛਲੇ ਕਈ ਸਾਲਾਂ ਤੋਂ ਸਿਵਲ ਹਸਪਤਾਲ ਖਰੜ ਵਿਖੇ ਬਤੌਰ ਮੈਡੀਕਲ ਅਫਸਰ ਅਤੇ ਹੁਣ ਸੀਨੀਅਰ ਮੈਡੀਕਲ ਅਫਸਰ ਸੇਵਾ ਨਿਭਾਅ ਰਹੇ ਹਨ। ਉਹ ਆਪਣੀ ਸਮਰਪਿਤ ਭਾਵਨਾ ਨਾਲ ਕੀਤੀ ਜਾ ਰਹੀ ਡਿਉਟੀ ਅਤੇ ਮਰੀਜਾਂ ਦੇ ਮੇਲ ਮਿਲਾਪ ਕਾਰਣ ਇਲਾਕੇ ਭਰ ਵਿੱਚ ਹਰਮਨ ਪਿਆਰੇ ਹਨ। ਉਹਨਾ ਨੇ ਬਤੌਰ ਐਸ ਐਮ ਓ ਸਿਵਲ ਹਸਪਤਾਲ ਵਿਚ ਲੋਕ ਹਿੱਤ ਵਿਚ ਬਹੁਤ ਸੁਧਾਰ ਕੀਤੇ ਹਨ। ਉਹਨਾ ਨੇ ਸਰਕਾਰ ਦੀਆਂ ਨੀਤੀਆਂ ਨੂੰ ਲਾਗੂ ਕਰਨ ਲਈ ਜਨਤਾ ਦੀ ਭਲਾਈ ਵਿੱਚ ਠੋਸ ਕਦਮ ਚੁੱਕੇ ਹਨ। ਪਰ ਕੁਝ ਬਾਹਰੀ ਅਤੇ ਅੰਦਰੂਨੀ ਅਨਸਰ ਆਪਣੇ ਨਿਜੀ ਹਿਤਾਂ ਲਈ ਇਹਨਾ ਸੁਧਾਰਾਂ ਨੂੰ ਹਜ਼ਮ ਨਹੀਂ ਕਰ ਰਹੇ।
ਲਾਇਨਜ਼ ਕਲੱਬ ਦੇ ਚੇਅਰਮੈਨ ਸੁਭਾਸ਼ ਅੱਗਰਵਾਲ ਨੇ ਕਿਹਾ ਕਿ ਡਾ. ਰਾਜੇਸ਼ ਇੱਕ ਬਹੁਤ ਹੀ ਸਿਆਣੇ ਤੇ ਸੁਲਝੇ ਹੋਏ ਇਨਸਾਨ ਨੇ, ਪਿਛਲੇ ਲੱਗਭਗ ਇਕ ਸਾਲ, ਜਦੋਂ ਤੋਂ ਉਹ ਐਸਐਮਓ ਬਣੇ ਨੇ, ਉਹਨਾਂ ਨੇ ਖਰੜ ਸਿਵਿਲ ਹਸਪਤਾਲ ਵਿਚ ਬਹੁਤ ਸੁਧਾਰ ਕੀਤਾ ਹੈ। ਲੇਕਿਨ ਏਹ ਸੁਧਾਰ ਕੁੱਝ ਹਸਪਤਾਲ ਦੇ ਅਫਸਰਾਂ ਤੇ ਹੋਰ ਸਟਾਫ ਨੂੰ ਰਾਸ ਨਹੀਂ ਆਇਆ, ਤੇ ਉਹਨਾਂ ਵਲੋਂ ਡਾ ਰਾਜੇਸ਼ ਦੇ ਵਿਰੁੱਧ ਸਾਜਿਸ਼ਾਂ ਘੜੀਆਂ ਜਾਣ ਲੱਗੀਆਂ, ਜਿਸ ਦਾ ਸ਼ਿਕਾਰ ਡਾਰਾਜੇਸ਼ ਬਣੇ । ਉਹਨਾਂ ਕਿਹਾ ਕਿ ਜੇ ਡਾ ਰਾਜੇਸ਼ ਦੀ ਬਦਲੀ ਰੱਦ ਨਾ ਹੋਈ ਤਾਂ ਇਸਦੇ ਵਿਰੋਧ ਵਿਚ ਵੱਡਾ ਸੰਘਰਸ਼ ਕੀਤਾ ਜਾਵੇਗਾ ।
ਇਹਨਾ ਦੀ ਬਦਲੀ ਇਲਾਕੇ ਲਈ ਬਹੁਤ ਵੱਡਾ ਘਾਟਾ ਅਤੇ ਬੇਇਨਸਾਫ਼ੀ ਹੋਵੇ ਗੀ। ਅਸੀਂ ਸਰਕਾਰ ਤੋਂ ਲੋਕ ਹਿੱਤ ਵਿੱਚ ਮੰਗ ਕਰਦੇ ਹਾਂ ਕਿ ਡਾਕਟਰ ਰਾਜੇਸ਼ ਕੁਮਾਰ ਦੀ ਬਦਲੀ ਤੁਰੰਤ ਰੱਦ ਕੀਤੀ ਜਾਵੇ ਅਤੇ ਲੋਕਾਂ ਨੂੰ ਇਨਸਾਫ ਦਿਤਾ ਜਾਵੇ।