ਯੂਰੀਆ ਖਾਦ ਨਾਲ ਫਾਲਤੂ ਵਸਤੂਆਂ ਐਡ ਕਰਕੇ ਕਿਸਾਨਾਂ ਦੀ ਲੁੱਟ ਕਰਨ ਵਾਲਿਆਂ ਖਿਲਾਫ਼ ਪੰਜਾਬ ਸਰਕਾਰ ਕਰੇ ਸਖਤ ਕਾਰਵਾਈ :- ਦੌਲਤਪੁਰਾ

ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਜਿਲ੍ਹਾ ਪ੍ਰਧਾਨ ਭੁਪਿੰਦਰ ਸਿੰਘ ਦੌਲਤਪੁਰਾ, ਜ਼ਿਲ੍ਹਾ ਮੀਤ ਪ੍ਰਧਾਨ ਜਗਸੀਰ ਸਿੰਘ ਜੱਗੀ ਬਾਘਾ ਪੁਰਾਣਾ, ਜਿਲਾ ਮੀਡੀਆ ਸਕੱਤਰ ਬਲਕਰਨ ਸਿੰਘ ਢਿੱਲੋਂ, ਆਗੂ ਸੁਖਚੈਨ ਸਿੰਘ ਬਰਾੜ ਕੰਨੀਆ ਨੇ ਮੀਡੀਆ ਨੂੰ ਸਾਂਝੇ ਤੌਰ ਤੇ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਹੈ ਕਿ ਪੰਜਾਬ ਵਿੱਚ ਯੂਰੀਆ ਖਾਦ ਦੀ ਕਾਲਾਬਾਜ਼ਾਰੀ ਦੇ ਨਾਲ-ਨਾਲ ਹੁਣ ਖਾਦ ਕੰਪਨੀਆਂ ਅਤੇ ਡੀਲਰਾਂ ਵੱਲੋਂ ਕਿਸਾਨਾਂ ਨੂੰ ਯੂਰੀਆ ਦੇ ਗੱਟੇ ਨਾਲ ਜਬਰੀ ਨੈਨੋ ਯੂਰੀਆ, ਸਲਫਰ, ਜ਼ਿੰਕ, ਮਾਈਕੋ ਰਾਜਾ, ਅਤੇ ਹੋਰ ਫਾਲਤੂ ਉਤਪਾਦ ਖਰੀਦਣ ਲਈ ਮਜ਼ਬੂਰ ਕੀਤਾ ਜਾ ਰਿਹਾ ਹੈ। ਕਿਸਾਨ ਯੂਨੀਅਨਾਂ ਇਸ ਨੂੰ “ਟੈਗਿੰਗ ਦਾ ਕਾਲਾ ਧੰਦਾ” ਕਰਾਰ ਦਿੰਦੀਆਂ ਹੋਈਆਂ ਕਿਹਾ ਹੈ ਕਿ ਇਹ ਸੂਬੇ ਦੇ ਕਿਸਾਨਾਂ ਨਾਲ ਸਰਾਸਰ ਬੇਇਨਸਾਫੀ ਤੇ ਧੱਕਾ ਹੈ
ਪ੍ਰਧਾਨ ਲੱਖੋਵਾਲ ਨੇ ਦੱਸਿਆ, ‘266 ਰੁਪਏ ਵਾਲੇ ਯੂਰੀਆ ਦੇ ਗੱਟੇ ਨਾਲ 500 ਤੋਂ 1200 ਰੁਪਏ ਦੀਆਂ ਵਸਤੂਆਂ ਜਬਰੀ ਦਿੱਤੀਆਂ ਜਾ ਰਹੀਆਂ ਹਨ। ਕਿਸਾਨ ਨੂੰ ਸਿਰਫ ਯੂਰੀਆ ਚਾਹੀਦਾ ਹੈ ਪਰ ਡੀਲਰ ਕਹਿੰਦਾ ਹੈ ’ਪਹਿਲਾਂ ਇਹ ਬੋਤਲ ਲਓ, ਫਿਰ ਯੂਰੀਆ ਮਿਲੇਗਾ’। ਜਿਸ ਨੈਨੋ ਯੂਰੀਆ ਦੀ ਕਿਸਾਨ ਨੂੰ ਲੋੜ ਹੀ ਨਹੀਂ, ਉਹ 240 ਰੁਪਏ ਦੀ ਬੋਤਲ ਟਿਕਾ ਦਿੱਤੀ ਜਾਂਦੀ ਹੈ। ਇਹ ਸਰਾਸਰ ਗੁੰਡਾਗਰਦੀ ਹੈ।’
ਜਿਲ੍ਹਾ ਪ੍ਰਧਾਨ ਨੇ ਕਿਹਾ ਕਿ ਬਠਿੰਡਾ, ਮਾਨਸਾ, ਸੰਗਰੂਰ, ਮੋਗਾ ਜ਼ਿਲ੍ਹਿਆਂ ਤੂੰ ਆ ਰਹੀਆਂ ਜਾਣਕਾਰੀਆਂ ਮੁਤਾਬਕ ਡੀਲਰ ਯੂਰੀਆ ਦੇ 1 ਗੱਟੇ ਨਾਲ 2 ਬੋਤਲ ਨੈਨੋ ਯੂਰੀਆ, 1 ਕਿੱਲੋ ਸਲਫਰ ਤੇ 1 ਡੱਬਾ ਕੀਟਨਾਸ਼ਕ, ਤੇ ਕਈ ਹੋਰ ਕਿਸਮ ਦੀਆਂ ਫਾਲਤੂ ਦਵਾਈਆਂ ਜਬਰੀ ਦੇ ਰਹੇ ਹਨ। ਕੁੱਲ ਬਿੱਲ 1500 ਰੁਪਏ ਬਣ ਜਾਂਦਾ ਹੈ ਜਾਣਬੁੱਝ ਕੇ ਯੂਰੀਆ ਦੀ ਕਿੱਲਤ ਪੈਦਾ ਕੀਤੀ ਜਾਂਦੀ ਹੈ ਤਾਂ ਜੋ ਕਿਸਾਨ ਮਜ਼ਬੂਰੀ ਵੱਸ ਫਾਲਤੂ ਸਾਮਾਨ ਖਰੀਦੇ ਕਈ ਡੀਲਰ ਫਾਲਤੂ ਵਸਤੂਆਂ ਦਾ ਬਿੱਲ ਹੀ ਨਹੀਂ ਦਿੰਦੇ ਇਫਕੋ, ਕਿ੍ਰਬਕੋ ਸਮੇਤ ਨਿੱਜੀ ਕੰਪਨੀਆਂ ਦੇ ਏਜੰਟ ਡੀਲਰਾਂ ’ਤੇ ਟਾਰਗੇਟ ਪੂਰਾ ਕਰਨ ਦਾ ਦਬਾਅ ਪਾਉਂਦੇ ਹਨ ਉਹਨਾਂ ਨੇ ਪੰਜਾਬ ਦੇ ਕਿਸਾਨਾਂ ਨੂੰ ਅਪੀਲ ਕੀਤੀ ਹੈ ਕਿ ਸਾਰੇ ਕਿਸਾਨ ਹਰ ਇੱਕ ਚੀਜ਼ ਦਾ ਯੂਰੀਆ ਰੇਹਾਂ ਸਪਰੇਹਾਂ ਅਤੇ ਜੋ ਵੀ ਵਾਧੂ ਵਸਤੂਆਂ ਨਾਲ ਦਿੱਤੀਆਂ ਜਾਂਦੀਆਂ ਹਨ ਉਸ ਦਾ ਪੱਕਾ ਬਿੱਲ ਜਰੂਰ ਲੈਣ ਪੱਕੇ ਬਿੱਲ ਤੋਂ ਬਗੈਰ ਕੋਈ ਵੀ ਵਸਤੂ ਨਾ ਖਰੀਦੀ ਜਾਵੇ ਉਹਨਾਂ ਕਿਹਾ ਹੈ ਕਿ ਕੇਂਦਰ ਸਰਕਾਰ ਅਤੇ ਖਾਦ ਮੰਤਰਾਲਾ 48 ਘੰਟਿਆਂ ਵਿੱਚ ਸਖ਼ਤ ਹੁਕਮ ਜਾਰੀ ਕਰੇ ਕਿ ਯੂਰੀਆ ਨਾਲ ਕੋਈ ਵੀ ਹੋਰ ਉਤਪਾਦ ਟੈਗ ਨਹੀਂ ਕੀਤਾ ਜਾਵੇਗਾ ਜਿਹੜਾ ਡੀਲਰ ਯੂਰੀਆ ਨਾਲ ਫਾਲਤੂ ਸਾਮਾਨ ਟੈਗ ਕਰੇ, ਉਸ ਦਾ ਲਾਇਸੈਂਸ ਤੁਰੰਤ ਰੱਦ ਕਰਕੇ 5 ਲੱਖ ਜੁਰਮਾਨਾ ਕੀਤਾ ਜਾਵੇ ਹਰ ਜ਼ਿਲ੍ਹੇ ਵਿੱਚ 43 ਦੀ ਅਗਵਾਈ ਹੇਠ ਉਡਣ ਦਸਤੇ ਬਣਾਏ ਜਾਣ ਜੋ ਰੋਜ਼ਾਨਾ ਖਾਦ ਦੀਆਂ ਦੁਕਾਨਾਂ ਚੈੱਕ ਕਰਨ ਸਹਿਕਾਰੀ ਸਭਾਵਾਂ ਰਾਹੀਂ ਕਿਸਾਨਾਂ ਨੂੰ ਸਿੱਧਾ ਯੂਰੀਆ ਮਿਲੇ। ਨਿੱਜੀ ਡੀਲਰਾਂ ਦਾ ਕੋਟਾ 50% ਘਟਾਇਆ ਜਾਵੇ ਟੈਗਿੰਗ ਦੀ ਸ਼ਿਕਾਇਤ ਲਈ ਟੋਲ ਫ੍ਰੀ ਨੰਬਰ ਜਾਰੀ ਕੀਤਾ ਜਾਵੇ ਜਿਸ ਤੇ 24 ਘੰਟੇ ਵਿੱਚ ਕਾਰਵਾਈ ਹੋਵੇ।
ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਜਿਲ੍ਹਾ ਪ੍ਰਧਾਨ ਨੇ ਕਿਹਾ ਜੋ ਮਾਨਯੋਗ ਸੁਪਰੀਮ ਕੋਰਟ ਨੇ ਅਵਾਰਾ ਕੁੱਤਿਆਂ ਲਈ ਫੈਸਲਾ ਕੀਤਾ ਹੈ ਉਹ ਬਹੁਤ ਸ਼ਲਾਂਘਾਯੋਗ ਹੈ ਉਹਨਾਂ ਕਿਹਾ ਹੈ ਕਿ ਅਸੀਂ ਕੁੱਤਿਆਂ ਦੇ ਦੁਸ਼ਮਣ ਨਹੀਂ, ਪਰ ਜਦੋਂ 10-15 ਕੁੱਤਿਆਂ ਦਾ ਝੁੰਡ ਖੇਤ ਵਿੱਚ ਵੜ ਕੇ 2 ਕਿੱਲੇ ਕਣਕ ਤਬਾਹ ਕਰ ਦੇਵੇ ਜਾਂ ਗਰੀਬ ਦੀ ਇੱਕੋ-ਇੱਕ ਬੱਕਰੀ ਪਾੜ ਦੇਵੇ, ਅਤੇ ਸ਼ਹਿਰਾਂ ਪਿੰਡਾਂ ਵਿੱਚ ਨਿੱਕੇ ਨਿੱਕੇ ਮਾਸੂਮ ਬੱਚਿਆਂ ਬਜ਼ੁਰਗਾਂ ਨੂੰ ਬੁਰੀ ਤਰ੍ਹਾਂ ਲੋਚ ਕੇ ਮਾਰ ਦਿੰਦੇ ਹਨ ਤਾਂ ਆਮ ਲੋਕ ਤੇ ਕਿਸਾਨ ਕਿੱਥੇ ਜਾਵੇ? ਅਦਾਲਤ ਨੇ ਇਨਸਾਨ ਤੇ ਜਾਨਵਰ ਦੋਵਾਂ ਦਾ ਸੰਤੁਲਨ ਬਣਾਇਆ ਹੈ। ਨਾ ਕੁੱਤੇ ਮਾਰਨ ਦੀ ਗੱਲ, ਨਾ ਕਿਸਾਨ ਮਰਨ ਦੀ ਗੱਲ। ਇਹ ਹੀ ਇਨਸਾਫ ਹੁੰਦਾ ਹੈ । ਉਹਨਾਂ ਕਿਹਾ ਹੈ ਕਿ ਪੰਜਾਬ ਸਰਕਾਰ 15 ਦਿਨਾਂ ਵਿੱਚ ਪਿੰਡ ਪੱਧਰ ’ਤੇ ਨਸਬੰਦੀ ਮੁਹਿੰਮ ਸ਼ੁਰੂ ਕਰੇ।
ਪਸ਼ੂ ਪਾਲਣ ਵਿਭਾਗ ਅਤੇ ਪੰਚਾਇਤਾਂ ਨੂੰ ਸਾਂਝੀ ਜ਼ਿੰਮੇਵਾਰੀ ਦਿੱਤੀ ਜਾਵੇ।
ਕੁੱਤਾ ਵੱਢਣ ਨਾਲ ਕਿਸਾਨ ਜਾਂ ਪਸ਼ੂ ਦੇ ਨੁਕਸਾਨ ਦਾ ਮੁਆਵਜ਼ਾ 50 ਹਜ਼ਾਰ ਤੈਅ ਕੀਤਾ ਜਾਵੇ।ਹਰ ਬਲਾਕ ਵਿੱਚ ਇੱਕ ਮੋਬਾਈਲ ਵੈਟਨਰੀ ਵੈਨ ਸਿਰਫ ਕੁੱਤਿਆਂ ਦੀ ਨਸਬੰਦੀ ਲਈ ਲਾਈ ਜਾਵੇ।