ਬਾਗਬਾਨੀ ਅਤੇ ਲੋਕ ਨਿਰਮਾਣ ਵਿਭਾਗ ਦੇ ਕਰਮਚਾਰੀਆਂ ਵੱਲੋ ਸੰਘਰਸ਼ ਦਾ ਬਿੱਗਲ ਬਜਾਇਆ

ਕਲਾਸ ਫੋਰਥ ਗੌਰਮਿੰਟ ਇੰਪਲਾਈਜ਼ ਯੂਨੀਅਨ 1680 ਨਾਲ ਸਬੰਧਤ ਪੰਜਾਬ ਲੋਕ ਨਿਰਮਾਣ ਵਿਭਾਗ ਅਤੇ ਸ਼ਾਖਾ ਬਾਗਬਾਨੀ ਮੰਡਲ ਪਟਿਆਲਾ ਦੇ ਆਊਟ ਸੋਰਸ ਦਰਜਾ ਚਾਰ ਮਾਲੀਆਂ ਵੱਲੋਂ ਯੂਨੀਅਨ ਦਫਤਰ ਰਾਜਪੁਰਾ ਕਾਲੋਨੀ ਵਿਖੇ ਇਕੱਤਰਤਾ ਕੀਤੀ। ਇਸ ਇਕੱਤਰਤਾ ਵਿੱਚ ਸਾਥੀ ਦਰਸ਼ਨ ਸਿੰਘ ਲੁਬਾਣਾ ਪੰਜਾਬ ਪ੍ਰਧਾਨ ਵੀ ਸ਼ਾਮਲ ਹੋਏ। ਇਕੱਤਰਤਾ ਵਿੱਚ ਆਊਟ ਸੋਰਸ ਕਰਮੀਆਂ ਨੂੰ ਵਿਭਾਗ ਦਾ ਹਿੱਸਾ ਬਣਾਉਣ ਭਾਵ ਇਨਸ਼ੋਰਸ ਕਰਨ ਅਤੇ ਸੇਵਾਵਾ ਰੈਗੂਲਰ ਕਰਨ ਲਈ ਵਿਭਾਗ ਵੱਲੋਂ ਕਰਮੀਆਂ ਪਾਸੋਂ ਮੰਗੇ ਗਏ ਸਨਾਖਤੀ ਪਰੂਫ ਇਕੱਤਰ ਕਰਕੇ ਮੰਡਲ ਦਫਤਰ ਨੂੰ ਦੇਣ ਦਾ ਫੈਸਲਾ ਕੀਤਾ ਗਿਆ। ਇਸ ਮੌਕੇ ਤੇ ਸੂਬਾ ਪ੍ਰਧਾਨ ਸਾਥੀ ਦਰਸ਼ਨ ਸਿੰਘ ਲੁਬਾਣਾ ਨੇ ਕਾਰਜਕਾਰੀ ਮੰਡਲ ਨਾਲ ਟੈਲੀਫੋਨ ਤੇ ਗੱਲਬਾਤ ਕਰਕੇ ਮੰਗੇ ਗਏ ਡਾਕੂਮੈਂਟਸ ਬਾਰੇ ਸਪਸ਼ਟ ਕੀਤਾ ਸਬੰਧਤ ਡਾਕੂਮੈਂਟ ਕਰਮਚਾਰੀ ਦੋ ਦਿਨਾਂ ਤੇ ਅੰਦਰ—ਅੰਦਰ ਇਕੱਠੇ ਕਰਕੇ ਦੇਣ ਚਾਰਾਜੋਈ ਕਰਨਗੇ। ਇਸ ਸਬੰਧੀ ਆਊਟ ਸੋਰਸ ਕਰਮੀਆਂ ਦੀ ਇੱਕ ਵਿਸ਼ੇਸ਼ ਮੀਟਿੰਗ 19—06—2026 ਦਿਨ ਸ਼ੁਕਰਵਾਰ ਸਵੇਰੇ 11:00 ਵਜੇ ਨਿਰਮਾਣ ਭਵਨ ਰੂਮ ਨੰਬਰ 404, ਤੀਜੀ ਮੰਜਿਲ ਮਿੰਨੀ ਸਕੱਤਰੇਤ ਪਟਿਆਲਾ ਵਿਖੇ ਹੋਵੇਗੀ। ਇਸ ਮੀਟਿੰਗ ਵਿੱਚ ਸਾਥੀ ਦਰਸ਼ਨ ਸਿੰਘ ਲੁਬਾਣਾ ਸਮੇਤ ਹੋਰ ਜਿਲਾ ਆਗੂ ਸ਼ਾਮਲ ਹੋਣਗੇ। ਇਸ ਲਈ ਮੀਟਿੰਗ ਵਿੱਚ ਜਿੰਮੇਵਾਰੀ ਨਾਲ ਸ਼ਾਮਲ ਹੋਣ ਦੀ ਅਪੀਲ ਵੀ ਕੀਤੀ ਜਾਂਦੀ ਹੈ। ਇਸ ਮੀਟਿੰਗ ਵਿੱਚ ਸੂਬਾ ਪ੍ਰਧਾਨ ਦਰਸ਼ਨ ਸਿੰਘ ਲੁਬਾਣਾ, ਸਤਨਾਮ ਸਿੰਘ, ਗੁਰਿੰਦਰ ਸਿੰਘ, ਕੁਲਦੀਪ ਸਿੰਘ, ਭੁਪਿੰਦਰ ਸਿੰਘ, ਹਰਿੰਦਰ ਸਿੰਘ, ਮਨਪ੍ਰੀਤ ਸਿੰਘ, ਸੰਦੀਪ ਸਿੰਘ, ਮੰਗਲ ਸਿੰਘ, ਸ਼ਨੀ, ਲਖਵੀਰ ਸਿੰਘ, ਗਗਨ ਆਦਿ ਸ਼ਾਮਲ ਸਨ।