ਟਰੰਪ ਨੇ ਈਰਾਨ ਨਾਲ ਸੀਜ਼ਫਾਇਰ ਨੂੰ ਸਮੇਂ ਦੀ ਬਰਬਾਦੀ ਦੱਸਦਿਆਂ ਕੋਈ ਵੀ ਡੀਲ ਕਰਨ ਤੋਂ ਕੀਤਾ ਇਨਕਾਰ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁੱਧਵਾਰ ਨੂੰ ਕਿਹਾ ਕਿ ਈਰਾਨ ਨਾਲ ਅੰਤਰਿਮ ਸਮਝੌਤਾ ਖਤਮ ਹੋ ਗਿਆ ਹੈ, ਪਰ ਉਹ ਗੱਲਬਾਤ ਜਾਰੀ ਰੱਖਣਗੇ। ਜਦੋਂ ਉਨ੍ਹਾਂ ਤੋਂ ਜੰਗਬੰਦੀ ਦੀ ਸਥਿਤੀ ਬਾਰੇ ਪੁੱਛਿਆ ਗਿਆ ਤਾਂ ਟਰੰਪ ਨੇ ਜਵਾਬ ਦਿੱਤਾ, ‘ਮੈਨੂੰ ਲੱਗਦਾ ਹੈ ਕਿ ਇਹ ਖਤਮ ਹੋ ਗਿਆ ਹੈ।’
ਉਨ੍ਹਾਂ ਕਿਹਾ, “ਉਨ੍ਹਾਂ ਨਾਲ ਡੀਲ ਕਰਨਾ ਸਿਰਫ ਸਮੇਂ ਦੀ ਬਰਬਾਦੀ ਹੈ।”ਪਾਕਿਸਤਾਨ ਦੀ ਵਿਚੋਲਗੀ ’ਚ ਵਾਸ਼ਿੰਗਟਨ ਤੇ ਤਹਿਰਾਨ ਵਿਚਕਾਰ ਹੋਏ ਅੰਤਰਿਮ ਜੰਗਬੰਦੀ ਸਮਝੌਤੇ ਦਾ ਮਕਸਦ ਇਕ ਸਥਾਈ ਸਮਝੌਤੇ ਵਿਚਕਾਰ ਗੱਲਬਾਤ ਲਈ 60 ਦਿਨਾਂ ਦਾ ਸਮਾਂ ਦੇਣਾ ਸੀ, ਪਰ ਕਤਰ ’ਚ ਹੋਈ ਅਪ੍ਰਤੱਖ ਗੱਲਬਾਤ ਪਿਛਲੇ ਹਫ਼ਤੇ ਬਿਨਾ ਕਿਸੇ ਨਤੀਜੇ ਦੇ ਖ਼ਤਮ ਹੋ ਗਈ ਤੇ ਅਮਰੀਕੀ ਫ਼ੌਜ ਨੇ ਮੰਗਲਵਾਰ ਨੂੰ ਈਰਾਨ ’ਤੇ ਨਵੇਂ ਹਮਲੇ ਕੀਤੇ।
ਤੁਰਕੀ ਦੀ ਰਾਜਧਾਨੀ ਅੰਕਾਰਾ ’ਚ ਨਾਟੋ ਸੰਮੇਲਨ ਤੋਂ ਪਹਿਲਾਂ ਟਰੰਪ ਨੇ ਕਿਹਾ, ’ਮੇਰੇ ਹਿਸਾਬ ਨਾਲ, ਇਹ ਖਤਮ ਹੋ ਚੁੱਕਾ ਹੈ। ਮੈਂ ਉਨ੍ਹਾਂ ਨਾਲ ਕੁਝ ਨਹੀਂ ਲੈਣ-ਦੇਣ ਨਹੀਂ ਕਰਨਾ ਚਾਹੁੰਦਾ। ਨਾਟੋ ਦੇ ਸਕੱਤਰ ਜਨਰਲ ਮਾਰਕ ਰੂਟੇ ਨਾਲ ਜੁੜੇ ਟਰੰਪ ਨੇ ਅੱਗੇ ਕਿਹਾ, “ਉਹ ਘਟੀਆ ਲੋਕ ਹਨ। ਉਹ ਬਿਮਾਰ ਮਾਨਸਿਕਤਾ ਵਾਲੇ ਲੋਕ ਹਨ। ਉਨ੍ਹਾਂ ਦੀ ਅਗਵਾਈ ਬਿਮਾਰ ਮਾਨਸਿਕਤਾ ਵਾਲੇ ਲੋਕ ਹੀ ਕਰਦੇ ਹਨ। ਜਿੱਥੋਂ ਤਕ ਮੇਰੀ ਗੱਲ ਹੈ, ਉਨ੍ਹਾਂ ਨਾਲ ਲੈਣ-ਦੇਣ ਸਿਰਫ਼ ਸਮੇਂ ਦੀ ਬਰਬਾਦੀ ਹੈ।’
ਮੰਗਲਵਾਰ ਨੂੰ ਅਮਰੀਕਾ ਨੇ ਈਰਾਨ ਨੂੰ ਤੇਲ ਵੇਚਣ ਇਜਾਜ਼ਤ ਦੇਣ ਵਾਲਾ ਲਾਇਸੈਂਸ ਵੀ ਰੱਦ ਕਰ ਦਿੱਤਾ ਕਿਉਂਕਿ ਹੋਰਮੁਜ਼ ਸਟ?ਰੇਟ ’ਚ ਤਿੰਨ ਟੈਂਕਰਾਂ ’ਤੇ ਹਮਲੇ ਹੋਏ ਸਨ। ਅਮਰੀਕਾ-ਈਰਾਨ ਵਿਚਾਲੇ ਹੋਏ ਅੰਤਰਿਮ ਸਮਝੌਤੇ ਤਹਿਤ ਅਮਰੀਕੀ ਟ੍ਰੈਜ਼ਰੀ ਨੇ 22 ਜੂਨ ਨੂੰ ਇਕ ਆਮ ਲਾਇਸੈਂਸ ਜਾਰੀ ਕੀਤਾ ਸੀ, ਜਿਸ ਨਾਲ ਈਰਾਨ ’ਚ ਬਣੇ ਕੱਚੇ ਤੇਲ, ਪੈਟਰੋਕੈਮੀਕਲ ਤੇ ਪੈਟਰੋਲੀਅਮ ਉਤਪਾਦਾਂ ਨੂੰ 21 ਅਗਸਤ ਤਕ ਵੇਚਣ ਦੀ ਇਜਾਜ਼ਤ ਮਿਲੀ ਸੀ।
ਮੰਗਲਵਾਰ ਨੂੰ ਉਸ ਲਾਇਸੈਂਸ ਨੂੰ ਰੱਦ ਕਰਦੇ ਹੋਏ ਅਮਰੀਕਾ ਨੇ ਈਰਾਨ ਨੂੰ ਕਿਸੇ ਵੀ ਲੈਣ-ਦੇਣ ਨੂੰ ਸੁਲਝਾਉਣ ਲਈ 17 ਜੁਲਾਈ ਤਕ ਦਾ ਸਮਾਂ ਦਿੱਤਾ ਸੀ।