ਕਾਂਗੜ੍ਹ-ਮਲੂਕਾ ਸ਼ੋਸਲ ਮੀਡਿਆ ‘ਤੇ ਹੋਏ ‘ਮੇਹਣੋ-ਮਿਹਣੀ’

ਇੰਨੀ ਦਿਨੀ ਸਿਆਸੀ ਲੀਡਰਾਂ ਵੱਲੋਂ ਵੀ ਸ਼ੋਸਲ ਮੀਡਿਆ ਪਲੇਟਫਾਰਮਾਂ ਨੂੰ ਸਿਆਸੀ ਲੜਾਈ ਦਾ ਅੱਡਾ ਬਣਾਇਆ ਹੋਇਆ ਹੈ ਅਤੇ ਹਲਕਾ ਰਾਮਪੁਰਾ ਫੂਲ ਦੇ ਦੋ ਵੱਡੇ ਸਿਆਸੀ ਲੀਡਰਾਂ ਵੱਲੋਂ ਲੋਕਾਂ ਦਾ ਮਨੋਰੰਜਨ ਕੀਤਾ ਜਾ ਰਿਹਾ ਹੈ।ਬੀਤੇ ਕੱਲ੍ਹ ਸ਼?ਰੌਮਣੀ ਅਕਾਲੀਦਲ ਦੇ ਆਗੂ ਤੇ ਸਾਬਕਾ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਵੱਲੋਂ ਆਪਣੇ ਸਿਆਸੀ ਵਿਰੋਧੀ ਤੇ ਕਾਂਗਰਸ ਦੇ ਸਾਬਕਾ ਵਜ਼ੀਰ ਗੁਰਪ੍ਰੀਤ ਸਿੰਘ ਕਾਂਗੜ੍ਹ ਖਿਲਾਫ ਅੰਦਰੋਂ ਅੰਦਰੀ ਆਮ ਆਦਮੀ ਪਾਰਟੀ ਨਾਲ ਘਿਉ-ਖਿਚੜੀ ਹੋਣ ਦੇ ਦੋਸ਼ ਲਗਾਏ ਗਏ ਸਨ ਅਤੇ ਜਿਉਂ ਹੀ ਇਹ ਵੀਡਿਓ ਫੇਸਬੁੱਕ ‘ਤੇ ਵਾਇਰਲ ਹੋਈ ਤਾਂ ਦੂਜੀ ਧਿਰ ਕਾਂਗੜ੍ਹ ਵੱਲੋਂ ਵੀ ਅੱਜ਼ ਫੇਸਬੁੱਕ ‘ਤੇ ਬੋਲਦਿਆਂ ਸਾਬਕਾ ਮੰਤਰੀ ਮਲੂਕਾ ਨੂੰ ਕਰੜੇਂ ਹੱਥੀਂ ਲਿਆ ਗਿਆ ਅਤੇ ਅਜਿਹੀ ਬਿਆਨਬਾਜੀ ਕਰਨ ਤੋਂ ਗੁਰੇਜ ਕਰਨ ਦੀ ਨਸੀਹਤ ਤੱਕ ਦਿੱਤੀ ਗਈ।ਕਾਂਗੜ੍ਹ ਵੱਲੋਂ ਇੱਥੋਂ ਤੱਕ ਦੋਸ਼ ਲਗਾਏ ਗਏ ਕਿ ਮਲੂਕਾ ਵੱਲੋਂ ਸਾਡੇ ਜਿੱਤੇ ਹੋਏ ਕੌਂਸਲਰਾਂ ਦੇ ਪਰਿਵਾਰਾਂ ਨੂੰ ਪ੍ਰਧਾਨਗੀ ਦਾ ਲਾਲਚ ਦੇ ਕੇ ਰਲੇਵਾਂ ਕਰਨ ਬਾਰੇ ਸੁਝਾਅ ਦਿੱਤੇ ਜਾ ਰਹੇ ਹਨ।ਭਾਵੇਂ ਕੁਝ ਵੀ ਹੋਵੇ ਹਲਕਾ ਰਾਮਪੁਰਾ ਫੂਲ ਦੀ ਸਿਆਸੀ ਲੜਾਈ ਪਹਿਲੇ ਦਿਨ ਤੋਂ ਹੀ ਆਮ ਲੋਕਾਂ ਲਈ ਦਿਲਚਸਪ ਰਹੀ ਹੈ,ਕਿਉਂਕਿ ਇਸ ਹਲਕੇ ਦੀ ਬਾਜ਼ੀ ਨੂੰ ਸਰ ਕਰਨਾ ਕੋਈ ਖਾਲਾ ਜੀ ਦਾ ਵਾੜਾ ਨਹੀਂ ਹੈ।2022 ਦੀਆਂ ਚੋਣਾਂ ਵਿੱਚ ਦੋਹਾਂ ਹੀ ਪਾਰਟੀਆਂ ਤੋਂ ਅੱਕੇ ਲੋਕਾਂ ਵੱਲੋਂ ਆਮ ਆਦਮੀ ਪਾਰਟੀ ਨੂੰ ਚੁਣਿਆ ਗਿਆ ਸੀ ਪਰ ਹਾਲਾਤ ਅੱਜ਼ ਵੀ ਉਹੀ ਹਨ ਅਤੇ ਮੁੜ ਤੋਂ 2027 ਦੀਆਂ ਚੋਣਾਂ ਵਿੱਚ ਇਹ ਮੁਕਾਬਲਾ ਕਾਂਗੜ੍ਹ ਤੇ ਮਲੂਕਾ ਵਿਚਕਾਰ ਬਣਦਾ ਨਜ਼ਰ ਆ ਰਿਹਾ ਹੈ।