ਊਰਜਾ ਮੰਤਰੀ ਅਨਿਲ ਵਿਜ ਦਾ ਰਾਹੁਲ ਗਾਂਧੀ ਤੇ ਤੰਜ : “ਸਵੇਰੇ ਕੁਝ ਹੋਰ, ਸ਼ਾਮ ਨੂੰ ਕੁਝ ਹੋਰ… ਆਪਣੇ ਹੀ ਬਿਆਨ ਵੇਖ ਲੈਣ”

ਪੱਛਮੀ ਬੰਗਾਲ ਅਤੇ ਤਮਿਲਨਾਡੂ ਵਿੱਚ ਵਿਧਾਨ ਸਭਾ ਚੋਣਾਂ ਲਈ ਅੱਜ ਵੋਟਿੰਗ ਹੋ ਰਹੀ ਹੈ। ਇਸ ਸਬੰਧੀ ਹਰਿਆਣਾ ਦੇ ਊਰਜਾ, ਪਰਿਵਹਨ ਅਤੇ ਮਜ਼ਦੂਰ ਮੰਤਰੀ ਅਨਿਲ ਵਿਜ ਨੇ ਦਾਅਵਾ ਕੀਤਾ ਕਿ ਦੋਵੇਂ ਰਾਜਾਂ ਵਿੱਚ ਭਾਜਪਾ ਭਾਰੀ ਬਹੁਮਤ ਨਾਲ ਸਰਕਾਰ ਬਣਾਏਗੀ।
ਸ੍ਰੀ ਵਿਜ ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ।
ਪਹਲਗਾਮ ਵਿੱਚ ਹੋਈ ਆਤੰਕੀ ਘਟਨਾ ਨੂੰ ਇੱਕ ਸਾਲ ਪੂਰਾ ਹੋਣ ‘ਤੇ ਉਨ੍ਹਾਂ ਨੇ ਪ੍ਰਤੀਕਿਰਿਆ ਦਿੰਦਿਆਂ ਕਿਹਾ ਕਿ ਸਾਡਾ ਪੜੋਸੀ ਦੇਸ਼ ਪਾਕਿਸਤਾਨ ਕਾਇਰਾਨਾ ਢੰਗ ਨਾਲ ਨਿਹੱਥਿਆਂ ‘ਤੇ ਛੁਪਕੇ ਹਮਲੇ ਕਰਦਾ ਹੈ ਅਤੇ ਧਰਮ-ਜਾਤ ਪੁੱਛ ਕੇ ਕਤਲ ਕਰਵਾਉਂਦਾ ਹੈ। ਉਨ੍ਹਾਂ ਨੇ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਹੁਣ ਉਹ ਸਮਾਂ ਨਹੀਂ ਰਿਹਾ ਜਦੋਂ ਸਿਰਫ਼ ਸ਼ਰਧਾਂਜਲੀਆਂ ਦੇ ਕੇ ਘਰਾਂ ਵਿੱਚ ਬੈਠ ਜਾਂਦੇ ਸਨ। ਹੁਣ ਇਹ ਨਰਿੰਦਰ ਮੋਦੀ ਦੀ ਸਰਕਾਰ ਹੈ, ਜਿਸ ਨੇ ਪਾਕਿਸਤਾਨ ਨੂੰ ਕੜਾ ਜਵਾਬ ਦਿੱਤਾ ਹੈ। ਹੁਣ ਭਾਰਤ ਸਹਿਣ ਵਾਲਾ ਨਹੀਂ, ਸਮਝਾਉਣ ਵਾਲਾ ਭਾਰਤ ਹੈ।
ਊਰਜਾ ਮੰਤਰੀ ਅਨਿਲ ਵਿਜ ਦਾ ਰਾਹੁਲ ‘ਤੇ ਤੰਜ : “ਸਵੇਰੇ ਕੁਝ ਹੋਰ, ਸ਼ਾਮ ਨੂੰ ਕੁਝ ਹੋਰ… ਆਪਣੇ ਹੀ ਬਿਆਨ ਵੇਖ ਲੈਣ”
ਨੇਤਾ ਪ੍ਰਤਿਪੱਖ ਰਾਹੁਲ ਗਾਂਧੀ ਨੇ ਕਿਹਾ ਸੀ ਕਿ ਅਸੀਂ ਸਾਰੇ ਮਿਲ ਕੇ ਆਤੰਕਵਾਦ ਨਾਲ ਲੜਾਂਗੇ। ਇਸ ‘ਤੇ ਪ੍ਰਤੀਕਿਰਿਆ ਦਿੰਦਿਆਂ ਅਨਿਲ ਵਿਜ ਨੇ ਤੰਜ ਕਸਿਆ ਕਿ ਰਾਹੁਲ ਗਾਂਧੀ ਦੇ ਬਿਆਨ ਅਕਸਰ ਬਦਲਦੇ ਰਹਿੰਦੇ ਹਨ—ਸਵੇਰੇ ਕੁਝ ਹੋਰ, ਸ਼ਾਮ ਨੂੰ ਕੁਝ ਹੋਰ, ਅੱਜ ਕੁਝ ਹੋਰ ਤੇ ਕੱਲ੍ਹ ਕੁਝ ਹੋਰ। ਉਨ੍ਹਾਂ ਕਿਹਾ ਕਿ ਜੇ ਰਾਹੁਲ ਗਾਂਧੀ ਆਪਣੇ ਹੀ ਪੁਰਾਣੇ ਬਿਆਨ ਵੇਖ ਲੈਣ, ਤਾਂ ਉਨ੍ਹਾਂ ਨੂੰ ਸਭ ਕੁਝ ਸਮਝ ਆ ਜਾਵੇਗਾ।