ਜ਼ਿਲਾ ਪ੍ਰਧਾਨ ਰੰਧਾਵਾ ਦੀ ਅਗਵਾਈ ਹੇਠ ਪੇਪਰ ਲੀਕ ਖ਼ਿਲਾਫ਼ ਵੱਡਾ ਰੋਸ ਪ੍ਰਦਰਸ਼ਨ ਚੰਦਾ,ਵੋਟ, ਪੇਪਰ ਚੋਰੀ ਵਰਗੇ ਗੰਭੀਰ ਮਸਲਿਆਂ ’ਚ ਫਸੀ ਮੋਦੀ ਸਰਕਾਰ : ਸਾਂਸਦ ਗਾਂਧੀ

ਪਿਛਲੇ ਦਿਨੀ ਦੇਸ਼ ਵਿੱਚ ਹੋਏ ਵੱਡੇ ਪੇਪਰ ਲੀਕ ਘੁਟਾਲੇ ਵਿੱਚ ਫਸੀ ਮੋਦੀ ਸਰਕਾਰ ਦੇ ਵਿਰੋਧ ਵਿੱਚ ਅੱਜ ਜਿਲਾ ਕਾਂਗਰਸ ਪਟਿਆਲਾ ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਬੀਬੀ ਗੁਰਸ਼ਰਨ ਕੌਰ ਰੰਧਾਵਾ ਦੀ ਅਗਵਾਈ ਹੇਠ ਵੱਡਾ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਪ੍ਰਦਰਸ਼ਨ ਵਿੱਚ ਪੁੱਜੇ ਸੈਂਕੜੇ ਕਾਂਗਰਸੀ ਵਰਕਰਾਂ ਤੇ ਵਿਦਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਬੀਬੀ ਰੰਧਾਵਾ ਨੇ ਕਿਹਾ ਕਿ ਪਿਛਲੇ ਲੰਬੇ ਸਮੇਂ ਤੋਂ ਸਾਡੇ ਦੇਸ਼ ਦੀ ਮੋਦੀ ਸਰਕਾਰ ਅਤੇ ਪੰਜਾਬ ਦੀ ਆਪ ਸਰਕਾਰ ਦੋਨੋਂ ਹੀ ਕਈ ਪੇਪਰ ਘਟਾਲਿਆਂ ਵਿੱਚ ਸ਼ਾਮਿਲ ਹੋਏ ਹਨ ਜਿਸ ਦੀ ਤਾਜ਼ਾ ਉਦਾਹਰਨ ਨੀਟ ਪੇਪਰ ਘੁਟਾਲਾ ਹੈ ਜਿਸ ਤੋਂ ਦੁਖੀ ਹੋ ਕੇ ਕਈ ਵਿਦਿਆਰਥੀ ਨੂੰ ਆਤਮਦਾਹ ਤੱਕ ਕਰਨਾ ਪਿਆ ਤੇ ਵਿਦਿਆਰਥੀਆਂ ਤੇ ਨੌਜਵਾਨਾਂ ਨੂੰ ਮਾਪਿਆਂ ਸਮੇਤ ਸੜਕਾਂ ਉੱਤੇ ਉਤਰਨਾ ਪਿਆ।
ਬੀਬੀ ਰੰਧਾਵਾ ਨੇ ਕਿਹਾ ਕਿ ਇਹ ਬਹੁਤ ਹੀ ਸ਼ਰਮ ਵਾਲੀ ਗੱਲ ਹੈ ਕਿ ਅੱਜ ਦੇਸ਼ ਭਰ ਦੇ ਕਰੋੜਾਂ ਹੋਣਹਾਰ ਵਿਦਿਆਰਥੀਆਂ ਦੇ ਮਾਪੇ ਆਪਣੇ ਬੱਚਿਆਂ ਦੇ ਭਵਿੱਖ ਲਈ ਚਿੰਤਤ ਹਨ ਕਿਉਂਕਿ ਉਹਨਾਂ ਦਾ ਭਰੋਸਾ ਸਰਕਾਰਾਂ ਤੋਂ ਉੱਠ ਚੁੱਕਿਆ ਹੈ।
ਬੀਬੀ ਰੰਧਾਵਾ ਨੇ ਸਪਸ਼ਟ ਕਿਹਾ ਕਿ ਘੁਟਾਲਿਆਂ, ਧੱਕੇਸ਼ਾਹੀ, ਅਤੇ ਵਧੀਕੀਆਂ ਤੋਂ ਦੁੱਖੀ ਲੋਕ ਅੱਜ ਰਾਹੁਲ ਗਾਂਧੀ ਵਰਗੇ ਨੇਤਾ ਨੂੰ ਪ੍ਰਧਾਨ ਮੰਤਰੀ ਦੀ ਕੁਰਸੀ ਤੇ ਬਿਠਾਉਣ ਲਈ ਉਤਾਵਲੇ ਹਨ ਪਰ ਮੋਦੀ ਸਰਕਾਰ ਦੀ ਵੋਟ ਚੋਰੀ ਨੀਤੀ ਲੋਕਾਂ ਦਾ ਸੁਪਨਾ ਸਾਕਾਰ ਕਰਨ ਵਿੱਚ ਅੜਿਕਾ ਬਣੀ ਹੋਈ ਹੈ।
ਇਸ ਮੌਕੇ ਪਟਿਆਲਾ ਦੇ ਸਾਂਸਦ ਡਾਕਟਰ ਧਰਮਵੀਰ ਗਾਂਧੀ ਨੇ ਕਿਹਾ ਕਿ ਅੱਜ ਸਾਡੀ ਸਰਕਾਰ ਕੇਵਲ ਚੰਦਾ ਚੋਰੀ, ਵੋਟ ਚੋਰੀ, ਟੈਕਸ ਚੋਰੀ, ਪੇਪਰ ਚੋਰੀ ਵਰਗੇ ਗੰਭੀਰ ਇਲਜਾਮਾਂ ਦਾ ਸਾਹਮਣਾ ਕਰ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਕੇਂਦਰੀ ਮੰਤਰੀ ਧਰਮਿੰਦਰ ਪ੍ਰਧਾਨ ਦਾ ਅਸਤੀਫਾ ਦੱਸਦਾ ਹੈ ਕਿ ਸਰਕਾਰ ਅੱਜ ਦੇਸ਼ ਦੇ ਨੌਜਵਾਨਾਂ ਅੱਗੇ ਝੁਕ ਗਈ ਹੈ ਤੇ ਆਪਣੇ ਉੱਤੇ ਲੱਗੇ ਦੋਸ਼ ਮੰਨ ਗਈ ਹੈ ਪਰ ਸਿਰਫ ਅਸਤੀਫੇ ਨਾਲ ਕੰਮ ਨਹੀਂ ਚੱਲੇਗਾ। ਅੱਜ ਲੋੜ ਹੈ ਦੇਸ਼ ਦੇ ਸਾਰੇ ਢਾਂਚੇ ਨੇ ਇੱਕ ਵਧੀਆ ਵਿਧੀ ਤਹਿਤ ਸੈੱਟ ਕਰਨ ਦੀ।
ਡਾਕਟਰ ਗਾਂਧੀ ਨੇ ਕਿਹਾ ਕਿ ਅੱਜ ਸਾਰੇ ਕਾਂਗਰਸੀ ਮੋਮਬੱਤੀਆਂ ਜਲਾਕੇ ਆਪਣੀ ਜਾਨ ਦੀ ਕੁਰਬਾਨੀ ਦੇਣ ਵਾਲੇ ਵਿਦਿਆਰਥੀਆਂ ਨੂੰ ਸ਼ਰਧਾਂਜਲੀ ਵੀ ਭੇਟ ਕਰ ਰਹੇ ਹਨ।
ਅੱਜ ਦੇ ਇਸ ਪ੍ਰਦਰਸ਼ਨ ਵਿੱਚ ਹਰਿੰਦਰਪਾਲ ਸਿੰਘ ਹੈਰੀਮਾਨ, ਬਲਿਹਾਰ ਸਿੰਘ ਸਮਸ਼ਪੁਰ, ਜਸਵਿੰਦਰ ਰੰਧਾਵਾ, ਨਛੱਤਰ ਸਿੰਘ, ਅਮਰਜੀਤ ਸਿੰਘ ਘੱਗਾ, ਹਰਵਿੰਦਰ ਸਿੰਘ ਰਾਠੀਆਂ, ਹਰਵਿੰਦਰ ਸਿੰਘ ਨਿੱਪੀ, ਰਾਜੇਸ਼ ਮੰਦੌਰਾ, ਦਰਸ਼ਨ ਸਿੰਘ ਸਿੱਧੂ, ਸੰਦੀਪ ਸਿੰਗਲਾ, ਗੁਰਸੇਵਕ ਸਿੰਘ, ਕੁਲਵਿੰਦਰ ਅਰਨੋ, ਕੁਲਵੰਤ ਨਾਰੀਕੇ, ਰਸ਼ਪਾਲ ਜੋੜਾਮਾਜਰਾ, ਨੈਬ ਭਾਨਰੀ, ਅਸ਼ਵਨੀ ਬੱਤਾ, ਹਰਵੀਰ ਥਿੰਦ, ਜਗਵਿੰਦਰ ਢਿੱਲੋਂ, ਜਗਰੂਪ ਹੈਪੀ, ਹਰਦੀਪ ਕੁਲਾਰਾਂ, ਅੰਮ੍ਰਿਤ ਗੱਜੂਮਾਜਰਾ, ਚਮਕੌਰ ਨਿਰਮਾਣ, , ਪਰਮਜੀਤ ਚੌਹਾਨ, ਪਰਮਜੀਤ ਕੌਰ, ਭੁਪਿੰਦਰ ਕੌਰ ਕੌਰਜੀਵਾਲਾ, ਮੇਜਰ ਖਾਨ, ਗਿਫਟੀ ਘਨੌਰ, ਜੋਗਿੰਦਰ ਕਾਕੜਾ, ਹਨੀ ਵੜੈਚ,
ਹਰਦੀਪ ਲਾਡਾ, ਦੀਦਾਰ ਦੌਣਕਲਾਂ, ਕੁਲਵਿੰਦਰ ਸੁੱਖੇਵਾਲ, ਸਤਨਾਮ ਚੋਹਠ, ਰਾਜਕੁਮਾਰ ਡਕਾਲਾ, ਪ੍ਰਭਜੋਤ ਭਿੰਡਰ, ਦਿਲਬਰ ਖਾਨ, ਰਾਜਾ ਸਰਾਓ, ਬਿੱਟੂ ਸ਼ਾਹਪੁਰ, ਸਹਿਜਵੀਰ ਚੱਠਾ, ਵਿਕੀ ਸਿੱਧੂ, ਕਮਨ ਗਾਜੇਵਾਸ, ਸ਼ਹਰਾਜ ਮੰਡੀ, ਰਿੰਕੂ ਡਕਾਲਾ, ਪਰਮਜੀਤ ਖੇੜੀ, ਐਡਵੋਕੇਟ ਗੁਰਸ਼ੇਰ ਰੰਧਾਵਾ ਟਿੰਕਾ ਐਮਸੀ, ਮਠਾੜੂ, ਪੂਜਾ, ਵੀ ਸ਼ਾਮਿਲ ਹੋਏ।