ਹਾਈਡ੍ਰੋਜਨ ਰੇਲ ‘ਆਤਮ-ਨਿਰਭਰ ਭਾਰਤ’ ਨੂੰ ਪ੍ਰਦਾਨ ਕਰੇਗੀ ਨਵੀਂ ਗਤੀ : ਗੁਰਦੇਵ ਸ਼ਰਮਾ ਦੇਬੀ

ਪੰਜਾਬ ਭਾਜਪਾ ਦੇ ਖਜ਼ਾਨਚੀ *ਗੁਰਦੇਵ ਸ਼ਰਮਾ ਦੇਬੀ* ਨੇ ਕਿਹਾ ਕਿ ਦੇਸ਼ ਦੀ ਪਹਿਲੀ ਸਵਦੇਸ਼ੀ ਹਾਈਡ੍ਰੋਜਨ ਟ੍ਰੇਨ ਭਾਰਤੀ ਰੇਲਵੇ ਦੇ ਇਤਿਹਾਸ ’ਚ ਨਵਾਂ ਅਧਿਆਏ ਜੋੜਨ ਜਾ ਰਹੀ ਹੈ। ਇਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਆਤਮਨਿਰਭਰ ਭਾਰਤ ਅਤੇ ਹਰਿਆਲੀ ਊਰਜਾ ਆਧਾਰਿਤ ਵਿਕਾਸ ਦੇ ਸੰਕਲਪ ਨੂੰ ਨਵੀਂ ਰਫ਼ਤਾਰ ਦੇਵੇਗੀ। ਇਸ ਨਾਲ ਭਾਰਤ ਉਨ੍ਹਾਂ ਗਿਣਤੀ ਦੇ ਦੇਸ਼ਾਂ ’ਚ ਸ਼ਾਮਲ ਹੋ ਜਾਵੇਗਾ ਜਿੱਥੇ ਹਾਈਡ?ਰੋਜਨ ਤਕਨੀਕ ਆਧਾਰਿਤ ਰੇਲ ਸੇਵਾਵਾਂ ਚੱਲ ਰਹੀਆਂ ਹਨ। ਦੇਬੀ ਨੇ ਕਿਹਾ ਕਿ ਹਾਈਡ?ਰੋਜਨ ਬਾਲਣ ਨਾਲ ਚੱਲਣ ਵਾਲੀ ਟ੍ਰੇਨ ਡੀਜ਼ਲ ਮੁਕਾਬਲੇ ਵਾਤਾਵਰਣ ਲਈ ਵਧੇਰੇ ਲਾਹੇਵੰਦ ਹੈ। ਇਸ ’ਚੋਂ ਸਿਰਫ ਜਲਵਾਸ਼ਪ ਨਿਕਲੇਗਾ, ਜਿਸ ਨਾਲ ਕਾਰਬਨ ਨਿਕਾਸ ’ਚ ਕਾਫੀ ਕਮੀ ਆਵੇਗੀ। ਇਹ ਪ੍ਰਦੂਸ਼ਣ ਕੰਟਰੋਲ ਦੇ ਨਾਲ-ਨਾਲ ਊਰਜਾ ਦੇ ਮਾਮਲੇ ’ਚ ਆਤਮਨਿਰਭਰਤਾ ਨੂੰ ਵੀ ਵਧਾਵਾ ਦੇਵੇਗਾ। ਇਹ ਤਕਨੀਕ ਭਵਿੱਖ ਦੀ ਸਾਫ਼-ਸੁਥਰੀ ਅਤੇ ਟਿਕਾਊ ਟਰਾਂਸਪੋਰਟ ਵਿਵਸਥਾ ਵੱਲ ਭਾਰਤ ਦਾ ਮਜ਼ਬੂਤ ਕਦਮ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਰੇਲਵੇ ਦੇ ਆਧੁਨਿਕੀਕਰਨ, ਸਵਦੇਸ਼ੀ ਤਕਨੀਕ ਦੇ ਵਿਕਾਸ ਅਤੇ ਵਾਤਾਵਰਣ ਸੁਰੱਖਿਆ ਨੂੰ ਬਰਾਬਰ ਤਰਜੀਹ ਦੇ ਰਹੀ ਹੈ। ਵੰਦੇ ਭਾਰਤ ਟ੍ਰੇਨਾਂ ਤੋਂ ਬਾਅਦ ਹਾਈਡ੍ਰੋਜਨ ਟ੍ਰੇਨ ਦਾ ਸੰਚਾਲਨ ਦੇਸ਼ ਦੀ ਵਿਗਿਆਨਕ ਸਮਰੱਥਾ ਅਤੇ ਇੰਜੀਨੀਅਰਿੰਗ ਕੌਸ਼ਲ ਦਾ ਸਬੂਤ ਹੈ। ਗੁਰਦੇਵ ਸ਼ਰਮਾ ਦੇਬੀ ਨੇ ਵਿਸ਼ਵਾਸ ਜਤਾਇਆ ਕਿ ਆਉਣ ਵਾਲੇ ਸਾਲਾਂ ’ਚ ਅਜਿਹੀਆਂ ਆਧੁਨਿਕ ਤਕਨੀਕਾਂ ਭਾਰਤ ਨੂੰ ਗਲੋਬਲ ਪੱਧਰ ’ਤੇ ਨਵੀਂ ਪਛਾਣ ਦੇਣਗੀਆਂ ਅਤੇ ਆਤਮਨਿਰਭਰ ਭਾਰਤ ਮੁਹਿੰਮ ਨੂੰ ਹੋਰ ਮਜ਼ਬੂਤ ਕਰਨਗੀਆਂ।