ਨਜਾਇਜ ਪਿਸ਼ਟਲ ਅਤੇ ਭਾਰੀ ਮਾਤਰਾ ’ਚ ਨਸ਼ੀਲੀਆਂ ਗੋਲੀਆਂ ਸਮੇਤ ਤਿੰਨ ਨੌਜਵਾਨ ਚੜ੍ਹੇ ਪੁਲਿਸ ਅੜ੍ਹਿੱਕੇ

ਮਾਣਯੋਗ ਐਸ.ਐਸ.ਪੀ. ਗੁਰਦਾਸਪੁਰ ਸ੍ਰੀ ਅਦਿਤਿਆ ਜੀ ਦੇ ਆਦੇਸ਼ਾਂ ਤਹਿਤ ਥਾਣਾ ਧਾਰੀਵਾਲ ਦੀ ਪੁਲਿਸ ਵੱਲੋਂ ਲਗਾਤਾਰ ਨਸ਼ਾਂ-ਤਸਕਰਾਂ ਅਤੇ ਸਮਾਜ ਵਿਰੋਧੀ ਅਨਸ਼ਰਾਂ ਵਿਰੁੱਧ ਮੁਹਿੰਮ ਜਾਰੀ ਰੱਖਦੇ ਹੋਏ ਇੱਕ ਨਜਾਇਜ ਪਿਸ਼ਟਲ ਅਤੇ 100 ਨਸ਼ੀਲੀਆਂ ਗੋਲੀਆਂ ਸਮੇਤ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਨ ਵਿੱਚ ਵੱਡੀ ਸਫਲਤਾ ਹਾਸਿਲ ਕੀਤੀ । ਐਸ.ਐਚ.ਓ. ਪਰਮਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਏ.ਐਸ.ਆਈ. ਸੁਖਦੇਵ ਸਿੰਘ ਸਮੇਤ ਪੁਲਿਸ ਪਾਰਟੀ ਗਸ਼ਤ ਬਾ ਤਲਾਸ ਭੈੜੇ ਪੁਰਸ਼ਾਂ ਦੇ ਸਬੰਧ ‘ਚ ਡਰੇਨ ਡੇਹਰੀਵਾਲ ਦਰੋਗਾ ਤੋਂ ਦੋਸ਼ੀ ਪ੍ਰਤਾਪ ਸਿੰਘ ਪੁੱਤਰ ਜਗਵੰਤ ਸਿੰਘ ਵਾਸੀ ਡੇਹਰੀਵਾਲ ਦਰੋਗਾ ਨੂੰ ਸ਼ੱਕ ਦੇ ਬਿਨਾਹ ਦੇ ਰੋਕ ਕੇ ਤਲਾਸ਼ੀ ਲਈ ਤਾਂ ਉਸ ਕੋਲੋ ਬ੍ਰਾਮਦ ਮੋਮੀ ਲਿਫਾਫੇ ਵਿੱਚੋ 100 ਨਸ਼ੀਲੀਆਂ ਗੋਲੀਆਂ ਖੁਲੀਆਂ ਬਿਨ੍ਹਾ ਮਾਰਕਾ ਬਰਾਮਦ ਹੋਈ । 100 ਨਸ਼ੀਲੀਆਂ ਗੋਲੀਆਂ ਸਮੇਤ ਪ੍ਰਤਾਪ ਸਿੰਘ ਨੂੰ ਗ੍ਰਿਫਤਾਰ ਕਰਕੇ ਕੇਸ ਦਰਜ ਕਰ ਲਿਆ । ਇਸ ਤਰ੍ਹਾਂ ਹੀ ਏ.ਐਸ.ਆਈ. ਕੁਲਦੀਪ ਸਿੰਘ ਸਮੇਤ ਪੁਲਿਸ ਪਾਰਟੀ ਗਸ਼ਤ ਬਾ ਤਲਾਸ਼ ਭੈੜੇ ਪੁਰਸ਼ਾਂ ਸਬੰਧ ‘ਚ ਖੁੰਡਾ ਪੁੱਲ ਸਲਿਪ ਰੋਡ ਧਾਰੀਵਾਲ ਵਿਖੇ ਮੌਜੂਦ ਸਨ ਕਿ ਦੋ ਨੌਜਵਾਨ ਪੁਲਿਸ ਪਾਰਟੀ ਵੇਖ ਘਬਰਾ ਕੇ ਮੁੜਨ ਲੱਗੇ ਤਾਂ ਮੁਲਾਜਮ ਸਾਥੀਆਂ ਕਾਬੂ ਕਰਕੇ ਨਾਮ ਪਤਾ ਪੁੱਛਿਆ ਤਾਂ ਉਨ੍ਹਾਂ ਨੇ ਆਪਣੀ ਪਹਿਚਾਣ ਜਸਪਿੰਦਰ ਸਿੰਘ ਅਤੇ ਤਲਵਿੰਦਰ ਸਿੰਘ ਪੁੱਤਰਾਂਨ ਹਰਜਿੰਦਰ ਸਿੰਘ ਵਾਸੀਆਂਨ ਲਾਧੂਭਾਣਾ ਥਾਣਾ ਰੰਗੜ ਨੰਗਲ ਵੱਜੋ ਦਿੱਤੀ ਅਤੇ ਤਲਾਸ਼ੀ ਦੌਰਾਨ ਜਸਪਿੰਦਰ ਸਿੰਘ ਦੀ ਪਹਿਣੀ ਕੈਪਰੀ ਸੱਜੀ ਢਬ ਵਿੱਚੋ ਨਜਾਇਜ ਪਿਸ਼ਟਲ ਬਿਨ੍ਹਾ ਮਾਰਕਾ ਜਿਸ ਦੀ ਬਾਡੀ ਪਰ ਸਟਾਰ ਮਾਡਲ ਮੈਡ ਇੰਨ ਸਪੇਨ ਲਿਖਿਆ ਬਰਾਮਦ ਹੋਇਆ । ਥਾਣਾ ਮੁੱਖੀ ਪਰਮਿੰਦਰ ਸਿੰਘ ਸਿਧੂ ਨੇ ਦੱਸਿਆ ਕਿ ਜਸਪਿੰਦਰ ਸਿੰਘ ਅਤੇ ਤਲਵਿੰਦਰ ਸਿੰਘ ਨੂੰ ਨਜਾਇਜ ਪਿਸਟਲ ਸਮੇਤ ਗ੍ਰਿਫਤਾਰ ਕਰਕੇ ਕੇਸ ਦਰਜ ਕਰ ਲਿਆ ।