ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦੇ ਸਿੰਗਾਪੁਰ ਦੌਰੇ ਦਾ ਤੀਜਾ ਦਿਨ

ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦੇ ਸਿੰਗਾਪੁਰ ਦੌਰੇ ਦੇ ਤੀਜੇ ਦਿਨ ਮੰਗਲਵਾਰ ਨੂੰ ਸਿੰਗਾਪੁਰ ਬਿਜ਼ਨਸ ਫੋਰਮ ਦੇ ਤਹਿਤ ਆਯੋਜਿਤ ਮਹੱਤਵਪੂਰਨ ਰਾਊਂਡ ਟੇਬਲ ਕਾਨਫਰੰਸ ਦਾ ਆਯੋਜਨ ਹੋਇਆ। ਇਸ ਮੌਕੇ ’ਤੇ ਮੁੱਖ ਮੰਤਰੀ ਨੇ ਇੱਕ ਦਰਜਨ ਤੋਂ ਵੱਧ ਸਿੰਗਾਪੁਰ ਕੰਪਨੀਆਂ ਦੇ ਪ੍ਰਤੀਨਿਧੀਆਂ, ਸਿੰਗਾਪੁਰ ਬਿਜ਼ਨਸ ਫੈਡਰੇਸ਼ਨ ਦੇ ਅਹੁਦੇਦਾਰਾਂ, ਉਦਯੋਗ ਪ੍ਰਤੀਨਿਧੀਆਂ, ਨਿਵੇਸ਼ਕਾਂ ਅਤੇ ਬਿਜ਼ਨਸ ਲੀਡਰਾਂ ਨਾਲ ਵੱਖ-ਵੱਖ ਖੇਤਰਾਂ ਵਿੱਚ ਨਿਵੇਸ਼ ਸੰਬੰਧੀ ਵਿਸਥਾਰ ਚਰਚਾ ਕੀਤੀ।
ਮੁੱਖ ਮੰਤਰੀ ਨੇ ਸਪੱਸ਼ਟ ਕੀਤਾ ਕਿ ਹਰਿਆਣਾ ਦਾ ਟੀਚਾ ਸਿੰਗਾਪੁਰ ਕੰਪਨੀਆਂ ਦੇ ਸਹਿਯੋਗ ਨਾਲ ਸੈਮੀਕੰਡਕਟਰ, ਗ੍ਰੀਨ ਐਨਰਜੀ, ਵੇਅਰਹਾਊਸਿੰਗ ਅਤੇ ਬੁਨਿਆਦੀ ਢਾਂਚੇ ਵਰਗੇ ਖੇਤਰਾਂ ਵਿੱਚ ਨਿਵੇਸ਼ ਨੂੰ ਵਧਾਉਣਾ ਹੈ। ਉਹਨਾਂ ਨੇ ਕਿਹਾ ਕਿ ਗੁਰੂਗ੍ਰਾਮ ਤੋਂ ਇਲਾਵਾ ਪੰਚਕੂਲਾ, ਕਰਨਾਲ, ਹਿਸਾਰ, ਸੋਨੀਪਤ ਅਤੇ ਰੋਹਤਕ ਵਰਗੇ ਸ਼ਹਿਰਾਂ ਨੂੰ ਗਲੋਬਲ ਕੈਪੇਬਿਲਟੀ ਸੈਂਟਰਾਂ ਅਤੇ ਟੈਕਨੋਲੋਜੀ-ਲੇਡ ਬਿਜ਼ਨਸਾਂ ਦੇ ਅਗਲੇ ਗ੍ਰੋਥ ਸੈਂਟਰਾਂ ਵਜੋ ਵਿਕਸਿਤ ਕਰਨਾ ਸਾਡਾ ਉਦੇਸ਼ ਹੈ।
ਰਾਊਂਡ ਟੇਬਲ ਕਾਨਫਰੰਸ ਨੂੰ ਸੰਬੋਧਿਤ ਕਰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਸਿੰਗਾਪੁਰ ਅਤੇ ਹਰਿਆਣਾ ਭਾਵੇਂ ਭੂਗੋਲਿਕ ਤੌਰ ’ਤੇ ਵੱਖਰੇ ਹੋਣ, ਪਰ ਦੋਵਾਂ ਦੀ ਸੋਚ ਅਤੇ ਪ੍ਰਾਥਮਿਕਤਾਵਾਂ ਇੱਕ-ਦੂਜੇ ਦੇ ਬਹੁਤ ਕਰੀਬ ਹਨ। ਸਿੰਗਾਪੁਰ ਇਨੋਵੇਸ਼ਨ, ਐਫੀਸ਼ੀਐਂਸੀ ਅਤੇ ਗਲੋਬਲ ਕਨੈਕਟੀਵਿਟੀ ਦਾ ਕੇਂਦਰ ਹੈ, ਜਦੋਂ ਕਿ ਹਰਿਆਣਾ ਐਂਟਰਪ੍ਰਾਈਜ਼, ਮੈਨੂਫੈਕਚਰਿੰਗ ਅਤੇ ਮਾਰਕੀਟ ਐਕਸੈਸ ਦੀ ਸ਼ਕਤੀ ਰੱਖਦਾ ਹੈ। ਇਹਨਾਂ ਦੋਵਾਂ ਸਮਰੱਥਾਵਾਂ ਦਾ ਮੇਲ ਆਰਥਿਕ ਭਾਈਵਾਲੀ ਨੂੰ ਨਵੀਂ ਉੱਚਾਈ ਦੇ ਸਕਦਾ ਹੈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਉਹ ਸਿਰਫ ਹਰਿਆਣਾ ਦੀ ਤਾਕਤ ਦੱਸਣ ਨਹੀਂ ਆਏ ਹਨ, ਸਗੋ ਉਸ ਭਵਿੱਖ ਦਾ ਭਾਗੀਦਾਰ ਬਣਾਉਣ ਆਏ ਹਨ, ਜਿਸ ਵਿੱਚ ਹਰਿਆਣਾ ਉੱਤਰ ਭਾਰਤ ਦੇ ਸਭ ਤੋਂ ਭਰੋਸੇਮੰਦ, ਆਧੁਨਿਕ ਅਤੇ ਤੇਜ਼ੀ ਨਾਲ ਅੱਗੇ ਵਧਦੇ ਬਿਜ਼ਨਸ ਡੈਸਟੀਨੇਸ਼ਨਾਂ ਵਿੱਚ ਸ਼ਾਮਲ ਹੋਵੇਗਾ।
ਗਲੋਬਲ ਕੈਪੇਬਿਲਟੀ ਸੈਂਟਰਾਂ ਅਤੇ ਆਈ.ਟੀ.-ਏਨੇਬਲਡ ਸਰਵਿਸਿਜ਼ ਨੂੰ ਵੱਡੇ ਅਵਸਰਾਂ ਵਾਲੇ ਖੇਤਰ ਦੱਸਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਗੁਰੂਗ੍ਰਾਮ ਅੱਜ ਦੇਸ਼ ਦੇ ਪ੍ਰਮੁੱਖ ਕਾਰਪੋਰੇਟ ਅਤੇ ਟੈਕਨੋਲੋਜੀ ਹੱਬਾਂ ਵਿੱਚੋਂ ਇੱਕ ਹੈ।
ਡਾਟਾ ਸੈਂਟਰਾਂ ਅਤੇ ਡਿਜੀਟਲ ਇੰਫ?ਰਾਸਟ?ਰਕਚਰ ਨੂੰ ਵਿਕਾਸ ਦਾ ਪ੍ਰਮੁੱਖ ਅਧਾਰ ਦੱਸਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਰਤ ਦੀ ਡਿਜੀਟਲ ਅਰਥਵਿਵਸਥਾ ਜਿੰਨੀ ਤੇਜ਼ੀ ਨਾਲ ਅੱਗੇ ਵਧ ਰਹੀ ਹੈ, ਉੰਨੀ ਹੀ ਤੇਜ਼ੀ ਨਾਲ ਡਾਟਾ ਸਟੋਰੇਜ, ਕਲਾਊਡ ਸਰਵਿਸਿਜ਼ ਅਤੇ ਕੰਪਿਊਟਿੰਗ ਇੰਫ੍ਰਾਸਟ੍ਰਕਚਰ ਦੀ ਮੰਗ ਵਧ ਰਹੀ ਹੈ। ਟੀਚਾ ਨਿਵੇਸ਼ਕਾਂ ਨੂੰ ਜ਼ਮੀਨ, ਭਰੋਸੇਯੋਗ ਬਿਜਲੀ, ਆਧੁਨਿਕ ਇੰਫ?ਰਾਸਟ?ਰਕਚਰ ਅਤੇ ਨੀਤੀਗਤ ਸਮਰਥਨ ਦੇ ਨਾਲ ਸਥਿਰ, ਪਾਰਦਰਸ਼ੀ ਅਤੇ ਪੂਰਵ-ਅਨੁਮਾਨਯੋਗ ਕਾਰੋਬਾਰੀ ਵਾਤਾਵਰਨ ਉਪਲਬਧ ਕਰਵਾਉਣਾ ਹੈ।
ਗ੍ਰੀਨ ਐਨਰਜੀ ਅਤੇ ਸਸਟੇਨੇਬਿਲਟੀ ਨੂੰ ਬਹੁਤ ਮਹੱਤਵਪੂਰਨ ਦੱਸਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਸਿੰਗਾਪੁਰ ਦੀਆਂ ਕੰਪਨੀਆਂ ਸਸਟੇਨੇਬਲ ਡਿਵੈਲਪਮੈਂਟ ਅਤੇ ਗ੍ਰੀਨ ਗ੍ਰੋਥ ਵਿੱਚ ਵਿਸ਼ਵ ਪੱਧਰੀ ਤਜ਼ਰਬਾ ਰੱਖਦੀਆਂ ਹਨ।
ਮੈਨੂਫੈਕਚਰਿੰਗ ਅਤੇ ਲੌਜਿਸਟਿਕਸ ਵਿੱਚ ਹਰਿਆਣਾ ਦੇ ਵਿਸ਼ੇਸ਼ ਲਾਭਾਂ ਦਾ ਵਰਨਣ ਕਰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਰਾਜ ਦਿੱਲੀ-ਐਨ.ਸੀ.ਆਰ. ਦੇ ਕੇਂਦਰ ਵਿੱਚ ਸਥਿਤ ਹੈ ਅਤੇ ਦੇਸ਼ ਦੇ ਪ੍ਰਮੁੱਖ ਬਾਜ਼ਾਰਾਂ ਨਾਲ ਸ਼ਾਨਦਾਰ ਕਨੈਕਟੀਵਿਟੀ ਰੱਖਦਾ ਹੈ। ਉਦਯੋਗਿਕ ਅਸਟੇਟਾਂ, ਐਕਸਪ੍ਰੈੱਸ-ਵੇਅ, ਹਾਈਵੇਅ, ਡੈਡੀਕੇਟਿਡ ਫ੍ਰੇਟ ਕਨੈਕਟੀਵਿਟੀ ਅਤੇ ਆਧੁਨਿਕ ਲੌਜਿਸਟਿਕਸ ਇੰਫ੍ਰਾਸਟ੍ਰਕਚਰ ਦਾ ਮਜ਼ਬੂਤ ਨੈੱਟਵਰਕ ਉਪਲਬਧ ਹੈ। ਇਸ ਲਈ ਉੱਤਰ ਭਾਰਤ ਵਿੱਚ ਮੈਨੂਫੈਕਚਰਿੰਗ ਯੂਨਿਟ, ਡਿਸਟ੍ਰੀਬਿਊਸ਼ਨ ਸੈਂਟਰ ਜਾਂ ਸਪਲਾਈ ਚੇਨ ਬੇਸ ਸਥਾਪਿਤ ਕਰਨ ਵਾਲੀ ਕਿਸੇ ਵੀ ਕੰਪਨੀ ਲਈ ਹਰਿਆਣਾ ਮਜ਼ਬੂਤ, ਸਮਰੱਥ ਅਤੇ ਭਵਿੱਖ ਲਈ ਤਿਆਰ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ। ਮੁੱਖ ਮੰਤਰੀ ਨੇ ਭਰੋਸਾ ਦਿੱਤਾ ਕਿ ਨਿਵੇਸ਼ਕ ਹਰਿਆਣਾ ਵਿੱਚ ਮੌਕਾ ਅਤੇ ਤਕਨਾਲੋਜੀ ਲੈ ਕੇ ਆਉਣ। ਨਿਵੇਸ਼ ਦੀ ਸੲਲਤ ਅਤੇ ਸਮੇਂ ਸਿਰ ਅਮਲ ਦੀ ਜ਼ਿੰਮੇਵਾਰੀ ਰਾਜ ਸਰਕਾਰ ਦੀ ਹੈ। ਉਹਨਾਂ ਦੀ ਟੀਮ ਜ਼ਮੀਨ, ਪ੍ਰਵਾਨਗੀਆਂ, ਇੰਫ?ਰਾਸਟ?ਰਕਚਰ, ਪ੍ਰਤਿਭਾ ਅਤੇ ਨੀਤੀਗਤ ਸਮਰਥਨ ਵਰਗੀਆਂ ਵਿਸ਼ੇਸ਼ ਜ਼ਰੂਰਤਾਂ ਨੂੰ ਸਮਝ ਕੇ ਹਰ ਪੱਧਰ ’ਤੇ ਸਹਿਯੋਗ ਕਰੇਗੀ। ਉਹਨਾਂ ਨੇ ਨਿੱਜੀ ਤੌਰ ’ਤੇ ਇਹ ਯਕੀਨੀ ਬਣਾਉਣ ਦਾ ਵਚਨ ਦਿੱਤਾ ਕਿ ਸਿੰਗਾਪੁਰ ਤੋਂ ਆਉਣ ਵਾਲੇ ਹਰੇਕ ਨਿਵੇਸ਼ਕ ਨੂੰ ਹਰਿਆਣਾ ਵਿੱਚ ਫੈਸਲਿਆਂ ਵਿੱਚ ਤੇਜ਼ੀ, ਅਮਲ ਵਿੱਚ ਭਰੋਸੇਯੋਗਤਾ ਅਤੇ ਸ਼ਾਸਨ ਵਿੱਚ ਵਿਸ਼ਵਾਸ ਦਾ ਅਨੁਭਵ ਹੋਵੇਗਾ।
ਮੁੱਖ ਮੰਤਰੀ ਨੇ ਸਿੰਗਾਪੁਰ ਬਿਜ਼ਨਸ ਫੈਡਰੇਸ਼ਨ ਅਤੇ ਸਾਰੇ ਭਾਗੀਦਾਰਾਂ ਦਾ ਸਾਰਥਕ ਗੱਲਬਾਤ ਲਈ ਦਿਲੋਂ ਧੰਨਵਾਦ ਕੀਤਾ ਅਤੇ ਵਿਸ਼ਵਾਸ ਪ੍ਰਗਟਾਇਆ ਕਿ ਅੱਜ ਦੀ ਇਹ ਗੱਲਬਾਤ ਨਵੀਂਆਂ ਭਾਈਵਾਲੀਆਂ, ਨਵੇਂ ਪ੍ਰੋਜੈਕਟਾਂ ਅਤੇ ਹਰਿਆਣਾ-ਸਿੰਗਾਪੁਰ ਆਰਥਿਕ ਸੰਬੰਧਾਂ ਦੇ ਇੱਕ ਨਵੇਂ ਅਧਿਆਏ ਦੀ ਸ਼ੁਰੂਆਤ ਬਣੇਗੀ।