ਖਰੜ-ਲਾਂਡਰਾ ਸੜਕ ਦਾ ਕੰਮ ਮੁਕੰਮਲ ਨਾ ਹੋਣ ਕਾਰਨ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ – ਜਗਮੋਹਨ ਸਿੰਘ ਕੰਗ

ਕਾਂਗਰਸ ਪਾਰਟੀ ਦੇ ਸੀਨੀਅਰ ਲੀਡਰ ਅਤੇ ਸਾਬਕਾ ਮੰਤਰੀ ਜਗਮੋਹਨ ਸਿੰਘ ਕੰਗ ਨੇ ਇਲਾਕੇ ਦੀ ਅਹਿਮ ਮੰਗ ਤੇ ਖਰੜ-ਲਾਂਡਰਾਂ ਰੋਡ ਦਾ ਦੌਰਾ ਕੀਤਾ। ਉਨਾਂ ਕਿਹਾ ਕਿ ਖਰੜ-ਲਾਂਡਰਾਂ ਰੋਡ ਖਰੜ ਦੀ ਇੱਕ ਬਹੁਤ ਹੀ ਮਹੱਤਵਪੂਰਨ ਸੜਕ ਹੈ, ਜਿਸ ਤੇ ਬੇਸੁਮਾਰ ਆਵਾਜਾਈ ਰਹਿੰਦੀ ਹੈ। ਇਸ ਦਾ ਲੰਮੇ ਸਮੇਂ ਤੋਂ ਬਹੁਤ ਬੁਰਾ ਹਾਲ ਰਿਹਾ ਹੈ। ਹੁਣ ਇਹ ਸੜਕ ਐੱਮ.ਸੀ. ਖਰੜ ਵੱਲੋਂ ਬਣਵਾਈ ਜਾ ਰਹੀ ਹੈ, ਪਰ ਇਲਾਕਾ ਨਿਵਾਸੀਆਂ ਦਾ ਕਹਿਣਾ ਹੈ ਕਿ ਇਸ ਦੀ ਉਸਾਰੀ ਦਾ ਕੰਮ ਬਹੁਤ ਲੰਬੇ ਸਮੇਂ ਤੋਂ ਧੀਮੀ ਗਤੀ ਨਾਲ ਚੱਲ ਰਿਹਾ ਹੈ। ਇਸ ਜਗਾ ਤੇ ਲਗਾਤਾਰ ਵੱਡੇ ਵੱਡੇ ਜਾਮ ਲਗੇ ਰਹਿੰਦੇ ਹਨ। ਜਿਸ ਕਾਰਨ ਆਉਣ-ਜਾਣ ਵਾਲੀ ਟਰੈਫਿਕ ਅਤੇ ਆਮ ਲੋਕਾਂ ਨੂੰ ਭਾਰੀ ਮੁਸਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਕੰਗ ਨੇ ਕਿਹਾ ਕਿ ਲਾਂਡਰਾਂ ਰੋਡ ਦਾ ਮੌਕਾ ਦੇਖਣ ਦੌਰਾਨ ਲੋਕਾਂ ਨੇ ਦੱਸਿਆ ਕਿ ਕੰਮ ਦੀ ਗੁਣਵੱਤਾ ਵੀ ਤਸੱਲੀ ਬਖਸ ਨਹੀਂ ਹੈ ਅਤੇ ਮਟੀਰੀਅਲ ਟਾਈਲਾਂ ਆਦਿ ਨੂੰ ਤੁਰੰਤ ਚੈੱਕ ਕਰਨ ਦੀ ਲੋੜ ਹੈ।
ਕੰਗ ਨੇ ਜ਼ਿਲ੍ਹਾ ਪ੍ਰਸਾਸ਼ਨ ਮੋਹਾਲੀ ਅਤੇ ਐਮ.ਸੀ. ਖਰੜ ਨੂੰ ਬੇਨਤੀ ਕੀਤੀ ਕਿ ਇਸ ਸੜਕ ਦਾ ਕੰਮ ਤੁਰੰਤ ਅਤੇ ਮਿਤੀਬੱਧ ਤਰੀਕੇ ਨਾਲ ਪੂਰਾ ਕਰਵਾਇਆ ਜਾਵੇ ਕਿਉਂਕਿ ਇਸ ਸੜਕ ਤੋਂ ਭਾਰੀ ਟਰੈਫਿਕ ਲੰਘਦੀ ਹੈ। ਪਹਿਲਾਂ ਹੀ ਕਈ ਸਾਲਾਂ ਬਾਅਦ ਇਸ ਸੜਕ ਨੂੰ ਬਣਾਉਣ ਦੀ ਵਾਰੀ ਆਈ ਹੈ। ਜੇਕਰ ਹੁਣ ਵੀ ਸੜਕ ਢੁੱਕਵੀਂ, ਮਜਬੂਤ, ਚੰਗੀ ਨਾ ਬਣਾਈ ਗਈ ਤਾਂ ਇਹ ਜਲਦੀ ਟੁੱਟ ਟੁੱਟ ਜਾਵੇਗੀ, ਜਿਸ ਦਾ ਖਾਮਿਆਜਾ ਆਮ ਜਨਤਾ ਨੂੰ ਭੁਗਤਣਾ ਪਵੇਗਾ।