ਖਰੜ ਮੰਡੀ ਬਹੁਤ ਛੋਟੀ ਹੈ, ਵਾਧੂ/ਹੋਰ ਫੜ ਬਣਾਉਣ ਦੀ ਸਖਤ ਲੋੜ- ਜਗਮੋਹਨ ਸਿੰਘ ਕੰਗ

ਕਾਂਗਰਸ ਪਾਰਟੀ ਦੇ ਸੀਨੀਅਰ ਲੀਡਰ ਜਗਮੋਹਨ ਸਿੰਘ ਕੰਗ ਨੇ ਅਨਾਜ ਮੰਡੀ ਖਰੜ ਵਿਖੇ ਝੋਨੇ ਦੀ ਆਮਦ ਸਬੰਧੀ ਜਾਣਕਾਰੀ ਪ੍ਰਾਪਤ ਕਰਨ ਲਈ ਕਿਸਾਨਾਂ ਅਤੇ ਆੜਤੀਆਂ ਨਾਲ ਮੁਲਾਕਾਤ ਕੀਤੀ।
ਇਸ ਮੌਕੇ ਉਨਾਂ ਨੇ ਕੰਗ ਨੂੰ ਕਿਹਾ ਕਿ ਇਸ ਪੁਰਾਣੀ ਅਨਾਜ ਮੰਡੀ ਖਰੜ ਵਿੱਚ ਫੜ ਬਹੁਤ ਛੋਟੇ ਹਨ ਅਤੇ ਇਸ ਤੋਂ ਇਲਾਵਾ ਆੜਤੀਆਂ ਦੀ ਮੰਗ ਸੀ ਕਿ ਕਿਤੇ ਢੁੱਕਵੀਂ ਜਗਾਂ ਪੁਰਾਣੀ ਅਨਾਜ ਮੰਡੀ ਦੇ ਨੇੜੇ ਹੀ ਹੋਰ ਲੋੜੀਂਦੇ ਫੜ ਬਣਵਾਏ ਜਾਣ। ਉਨਾਂ ਦੱਸਿਆ ਕਿ ਮੰਡੀ ਵਿੱਚ ਲਿਫਟਿੰਗ ਦੀ ਚੁਕਾਈ ਵੀ ਕਾਫੀ ਢਿੱਲੀ ਹੈ ਅਤੇ ਵਾਰ-ਵਾਰ ਮੀਂਹ ਪੈਣ ਅਤੇ ਮੌਸਮ ਖਰਾਬ ਹੋਣ ਕਾਰਨ ਕਿਸਾਨ ਮੰਡੀ ਵਿੱਚ ਗਿੱਲੀ ਫਸਲ ਲਿਆਉਣ ਲਈ ਮਜ਼ਬੂਰ ਵੀ ਹੋ ਜਾਂਦੇ ਹਨ ਜਿਸ ਲਈ ਸਰਕਾਰੀ ਖਰੀਦ ਏਜੰਸੀ ਐੱਫ. ਸੀ. ਆਈ., ਪਨਗ੍ਰੇਨ, ਪਨਸਪ ਆਦਿ ਝੋਨਾ ਖਰੀਦਣ ਤੋਂ ਹੱਥ ਖਿੱਚਦੀਆਂ ਹਨ।
ਸੂਤਰਾਂ ਮੁਤਾਬਿਕ ਅਜੇ ਫਸਲ ਦੀ ਸ਼ੁਰੂਆਤ ਹੀ ਹੋਈ ਹੈ ਅਤੇ ਹੁਣ ਤੱਕ ਮੰਡੀ ਵਿੱਚ 56,000 ਕੁਇੰਟਲ ਫਸਲ ਆ ਚੁੱਕੀ ਹੈ। ਇਸ ਦੇ ਨਾਲ-ਨਾਲ ਕਿਸਾਨ ਨੇ ਅਫਸੋਸ ਵੀ ਜਤਾਇਆ ਕਿ ਇਸ ਵਾਰ ਕੇਂਦਰ ਸਰਕਾਰ ਨੇ ਸਿਰਫ 25 ਰੁਪਏ ਪ੍ਰਤੀ ਕੁਇੰਟਲ ਕਣਕ ਦਾ ਵਾਧਾ, 71 ਰੁਪਏ ਜੀਰੀ ਦੀ ਫਸਲ ਤੇ ਐੱਮ.ਐੱਸ.ਪੀ. ਦੇ ਇੱਕ ਮਜ਼ਾਕ ਹੀ ਕੀਤਾ ਹੈ, ਜੋ ਕਿ ਨਾਵਾਜਬ ਹੀ ਨਹੀਂ, ਬਲਕਿ ਖੇਤੀ ਲਈ ਲਾਹੇਬੰਦ ਵੀ ਨਹੀਂ ਹੈ।
ਕੰਗ ਨੇ ਮੰਡੀ ਵਿੱਚ ਸਾਰੇ ਹਾਜ਼ਰੀਨ ਕਿਸਾਨਾਂ ਤੇ ਆੜਤੀਆਂ ਨੂੰ ਭਰੋਸਾ ਦਿਵਾਇਆ ਕਿ ਉਹ ਝੋਨੇ ਦੀ ਤੁਰੰਤ ਲਿਫਟਿੰਗ ਲਈ ਜ਼ਿਲਾ ਪ੍ਰਸ਼ਾਸਨ ਨਾਲ ਗੱਲਬਾਤ ਕਰਨਗੇ ਅਤੇ ਜੋ ਇਸ ਮੰਡੀ ਦੀ ਲੰਮੇ ਸਮੇਂ ਤੋਂ ਅਡੀਸ਼ਨਲ/ਹੋਰ ਫੜ ਦੀ ਮੰਗ ਚੱਲੀ ਆ ਰਹੀ ਹੈ, ਉਸ ਨੂੰ ਵੀ ਮੰਡੀ ਬੋਰਡ ਨਾਲ ਗੱਲਬਾਤ ਕਰਕੇ, ਹਰ ਪੱਧਰ ਤੇ ਹੱਲ ਕਰਵਾਉਣ ਦੀ ਕੋਸ਼ਿਸ਼ ਕਰਨਗੇ। ਇਸ ਮੌਕੇ ਹੋਰਨਾਂ ਪ੍ਰਧਾਨ ਨਰਿੰਦਰ ਸ਼ਰਮਾ, ਅੰਮਿ?ਰਤਪਾਲ ਸਿੰਘ, ਰਾਜਿੰਦਰ ਸਿੰਘ ਬਡਾਲੀ, ਰਾਜਿੰਦਰ ਕੁਮਾਰ ਪ੍ਰਧਾਨ, ਰਾਜੇਸ਼ ਸੂਦ, ਰਾਜੇਸ਼ ਅਗਰਵਾਲ, ਅਮਰਿੰਦਰ, ਸ਼ੁੱਭਮ ਗਰਗ, ਪਵਨ ਅਗਰਵਾਲ ਆਦਿ ਹਾਜ਼ਰ ਸਨ।