ਕੰਕਰੀਟ ਪਲਾਂਟ ਨੂੰ ਬੰਦ ਕਰਵਾਉਣ ਲਈ ਧਰਨਾ 45ਵੇਂ ਦਿਨ ਜਾਰੀ ਲੋੜ ਪਈ ਤਾਂ ਪੰਜਾਬ ਦਾ ਸਾਰਾ ਕਾਡਰ ਧਰਨੇ ਵਿੱਚ ਬਿਠਾ ਦੇਵਾਂਗੇ-:ਸਤਨਾਮ ਸਿੰਘ ਪੰਨੂ

ਮੋਰਿੰਡਾ ਦੇ ਨਜਦੀਕ ਪਿੰਡ ਢੰਗਰਾਲੀ ਅਤੇ ਖੈਰਪੁਰ ਵਿੱਚ ਲੱਗ ਰਹੇ ਕੰਕਰੀਟ ਮਿਕਸਰ ਪਲਾਂਟ ਨੂੰ ਰੋਕਣ ਦੇ ਲਈ ਪਿੰਡ ਵਾਸੀਆਂ ਦਾ ਧਰਨਾ 45ਵੇਂ ਦਿਨ ਵੀ ਜਾਰੀ ਰਿਹਾ। ਅੱਜ ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੰਸਥਾਪਕ ਅਤੇ ਸੂਬਾ ਆਗੂ ਸਤਨਾਮ ਸਿੰਘ ਪੰਨੂ ਨੇ ਆਪਣੀ ਜਥੇਬੰਦੀ ਦੀ ਬਲਾਕ ਮੋਰਿੰਡਾ ਦੀ ਟੀਮ ਨਾਲ ਸਮੂਲੀਅਤ ਕੀਤੀ। ਉਹਨਾਂ ਨੇ ਧਰਨੇ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਅਤੇ ਖੇਤੀ ਨੂੰ ਉਜਾੜਨ ਵਾਲੀਆਂ ਨੀਤੀਆਂ ਦਾ ਡਟ ਕੇ ਵਿਰੋਧ ਕੀਤਾ ਜਾਵੇਗਾ। ਕੰਕਰੀਟ ਪਲਾਂਟ ਵਰਗੀਆਂ ਜਿਹੜੀਆਂ ਫੈਕਟਰੀਆਂ ਖੇਤੀ ਨੂੰ ਉਜਾੜਨ ਲਈ , ਵਾਤਾਵਰਣ ਨੂੰ ਪ੍ਰਦੂਸ਼ਿਤ ਕਰਨ ਦੇ ਲਈ ਪੰਜਾਬ ਦੇ ਸਾਫ ਸੁਥਰੇ ਸੱਭਿਆਚਾਰ ਨੂੰ ਵਿਗਾੜਨ ਦੇ ਲਈ ਕੇਵਲ ਮੁਨਾਫਾ ਖੋਰੀ ਦੇ ਮਨੋਰਥ ਲਈ ਲਗਾਈਆਂ ਜਾ ਰਹੀਆਂ ਹਨ। ਉਹਨਾਂ ਨੂੰ ਕਿਸੇ ਕੀਮਤ ਉੱਤੇ ਲੱਗਣ ਨਹੀਂ ਦਿੱਤਾ ਜਾਵੇਗਾ। ਜਿੱਥੇ ਉਹਨਾਂ ਨੇ ਪਿੰਡ ਵਾਸੀਆਂ ਨੂੰ ਡੇਢ ਮਹੀਨੇ ਤੋਂ ਆਪਣੇ ਹੱਕਾਂ, ਆਪਣੀਆਂ ਨਸਲਾਂ ਆਪਣੀਆਂ ਫਸਲਾਂ ਨੂੰ ਬਚਾਉਣ ਦੇ ਲਈ ਧਰਨੇ ਵਿੱਚ ਡਟਣ ਦੀ ਪ੍ਰਸੰਸਾ ਕੀਤੀ।
ਪਿੰਡ ਢੰਗਰਾਲੀ ਦੇ ਸਰਪੰਚ ਰਣਦੀਪ ਸਿੰਘ ਦੀਪੂ ਅਤੇ ਖੈਰਪੁਰ ਤੋਂ ਹਰਜਿੰਦਰ ਸਿੰਘ ਖਟੜਾ ਨੇ ਬਿਆਨ ਦੇ ਵਿੱਚ ਕਿਹਾ ਕਿ ਪੰਜਾਬ ਸਰਕਾਰ ਅਤੇ ਪ੍ਰਸ਼ਾਸਨ ਨੂੰ ਹਰ ਪੱਧਰ ਦੇ ਉੱਤੇ ਕੰਕਰੀਟ ਪਲਾਂਟ ਨੂੰ ਬੰਦ ਕਰਨ ਦੇ ਲਈ ਮੰਗ ਪੱਤਰ ਅਤੇ ਬੇਨਤੀ ਪੱਤਰ ਦਿੱਤੇ ਜਾ ਚੁੱਕੇ ਹਨ। ਪਰ ਅਫਸੋਸ ਦੀ ਗੱਲ ਹੈ ਕਿ ਕਿਸੇ ਅਧਿਕਾਰੀ ਨੇ ਕੋਈ ਸੁਣਵਾਈ ਨਹੀਂ ਕੀਤੀ ਹੈ। ਇਸ ਕਰਕੇ ਆਉਣ ਵਾਲੇ ਸਮੇਂ ਵਿੱਚ ਇਹ ਧਰਨਾ ਪਿੰਡ ਤੋਂ ਅਧਿਕਾਰੀਆਂ ਦੇ ਦਫਤਰ ਤੱਕ ਲਜਾਇਆ ਜਾਵੇਗਾ। ਉਹਨਾਂ ਇਹ ਵੀ ਕਿਹਾ ਕਿ ਅਸੀਂ ਪਿੰਡ ਵਾਸੀਆਂ ਦੀਆਂ ਉਮੀਦਾਂ ਉੱਤੇ ਖਰੇ ਉਤਰਾਂਗੇ ਸੰਘਰਸ਼ ਨੂੰ ਪਿੰਡ ਵਾਸੀਆਂ ਦੇ ਹੱਕ ਦੇ ਵਿੱਚ ਮੰਜ਼ਿਲ ਦੇ ਉੱਤੇ ਪਹੁੰਚਾ ਕੇ ਹਟਾਂਗੇ। ਅੱਜ ਦੇ ਧਰਨੇ ਵਿੱਚ ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਬਲਾਕ ਮੋਰਿੰਡਾ ਦੇ ਪ੍ਰਧਾਨ ਗੁਰਦੀਪ ਸਿੰਘ ਕੰਗ ਸੀਨੀਅਰ ਮੀਤ ਪ੍ਰਧਾਨ ਜਸਵੀਰ ਸਿੰਘ ਦਤਾਰਪੁਰ ਮੀਤ ਪ੍ਰਧਾਨ ਲਖਵਿੰਦਰ ਸਿੰਘ ਬਡਵਾਲੀ ਜਥੇਬੰਦਕ ਸਕੱਤਰ ਅਵਤਾਰ ਸਿੰਘ ਬਡਵਾਲੀ ਖਜਾਨਚੀ ਸਤਨਾਮ ਸਿੰਘ ਸਿੱਧੂ ਮੋਰੰਡਾ ਸੁਰਿੰਦਰ ਸਿੰਘ ਰਸੂਲਪੁਰ ਹਰਕੀਰਤ ਸਿੰਘ ਬਾਲ ਬੂਥਗੜ੍ਹ ਅਮਰੀਕ ਸਿੰਘ ਨਤਮਲਪੁਰ ਰਣਧੀਰ ਸਿੰਘ ਨਥਮਲਪੁਰ ਅਮਰਜੀਤ ਸਿੰਘ ਬੂਟਾ ਸਿੰਘ ਚਤਾਵਲਾ ਬਲਜਿੰਦਰ ਸਿੰਘ ਬੱਲੂ ਰਣਜੀਤਪੁਰਾ ਊਧਮ ਸਿੰਘ ਸਹੇੜੀ ਦਿਲਬਾਗ ਸਿੰਘ ਅੰਧਹੇੜੀ ਰਘਬੀਰ ਸਿੰਘ ਬੂਰ ਮਾਜਰਾ, ਸੁਖਵਿੰਦਰ ਸਿੰਘ ਬੂਰ ਮਾਜਰਾ ਮੀਤ ਪ੍ਰਧਾਨ ਗੁਰਦੀਪ ਸਿੰਘ ਪ੍ਰਧਾਨ ਬੂਰਮਾਜਰਾ ਆਦਿ ਆਦਿ ਨੇ ਅਤੇ ਪਿੰਡ ਵਾਸੀਆਂ ਵਿੱਚੋਂ ਲੰਬੜਦਾਰ ਗੁਰਮੀਤ ਸਿੰਘ ਬਲਦੇਵ ਸਿੰਘ ਧਾਲੀਵਾਲ ਜਸਵੰਤ ਸਿੰਘ ਸੀਟੀਯੂ ਹਰਕੇਸ਼ ਸਿੰਘ ਰੁਲਦਾ ਸਿੰਘ ਕੁਲਬੀਰ ਸਿੰਘ ਸਲ, ਰਣਜੋਤ ਸਿੰਘ ਬਾਠ ਅਰਸ਼ਪ੍ਰੀਤ ਸਿੰਘ ਜਸ਼ਨਪ੍ਰੀਤ ਸਿੰਘ ਗੁਰਮੇਲ ਸਿੰਘ ਗਾਂਧੀ ਗੁਰਦੇਵ ਸਿੰਘ ਚੋਗਾ ਸਿੰਘ ਮੋਹਣ ਸਿੰਘ ਚੌਕੀਦਾਰ ਮੋਹਣ ਸਿੰਘ ਸਰਾ ਸੁਰਜੀਤ ਸਿੰਘ ਜਤਿੰਦਰ ਸਿੰਘ ਸਰਾਓ ਸਿਮਾ ਸਰਾਓ ਅਮਰਜੀਤ ਸਿੰਘ ਸਰਾਓ ਸਰਬਜੀਤ ਰਾਣਾ ਆਦਿ ਸ਼ਾਮਿਲ ਸਨ