ਆੜਤੀਆ ਐਸੋ. ਦੇ ਸੂਬਾ ਪ੍ਰਧਾਨ ਰਾਣਾ ਦੀ ਅਗਵਾਈ ਹੇਠ 31 ਮੈਂਬਰੀ ਕਮੇਟੀ ਵੱਲੋਂ ਪਾਰਲੀਮੈਂਟ ਕਮੇਟੀ ਦੇ ਚੇਅਰਮੈਨ ਚੰਨੀ ਨਾਲ ਕੀਤੀ ਮੁਲਾਕਾਤ

ਆੜ੍ਹਤੀਆ ਐਸੋਸੀਏਸ਼ਨ ਪੰਜਾਬ ਦੀ ਇੱਕ ਬਹੁਤ ਹੀ ਮਹੱਤਵਪੂਰਨ ਅਤੇ ਸਾਰਥਕ ਮੀਟਿੰਗ ਚਰਨਜੀਤ ਸਿੰਘ ਚੰਨੀ ਚੇਅਰਮੈਨ ਅਤੇ ਖੇਤੀਬਾੜੀ, ਖੇਤੀ ਖੋਜ, ਪਸ਼ੂ ਪਾਲਣ, ਡੇਅਰੀ, ਮੱਛੀ ਪਾਲਣ, ਫੂਡ ਪ੍ਰੋਸੈਸਿੰਗ ਅਤੇ ਕੋਆਪਰੇਟਿਵਜ਼ ਦੀ 31 ਮੈਂਬਰੀ ਪਾਰਲੀਮੈਂਟ ਕਮੇਟੀ ਨਾਲ ਹੋਈ।
ਇਹ ਮੀਟਿੰਗ ਬਹੁਤ ਹੀ ਸੁਖਾਵੇਂ ਅਤੇ ਵਧੀਆ ਮਾਹੌਲ ਵਿੱਚ ਸੰਪੰਨ ਹੋਈ ਮੀਟਿੰਗ ਦੌਰਾਨ ਪ੍ਰਧਾਨ ਜਸਵਿੰਦਰ ਸਿੰਘ ਰਾਣਾ ਜੀ ਨੇ ਸਾਡੇ ਵਪਾਰ ਅਤੇ ਮੰਡੀਆਂ ਨਾਲ ਜੁੜੀਆਂ ਮੁੱਖ ਮੁਸ਼ਕਲਾਂ ਨੂੰ ਬਹੁਤ ਹੀ ਵਿਸਥਾਰਪੂਰਵਕ ਤਰੀਕੇ ਨਾਲ ਕਮੇਟੀ ਦੇ ਸਾਹਮਣੇ ਰੱਖਿਆ, ਜਿਨ੍ਹਾਂ ਉੱਤੇ ਬਹੁਤ ਹੀ ਸਕਾਰਾਤਮਕ ਅਤੇ ਗੰਭੀਰ ਚਰਚਾ ਹੋਈ।
ਮੀਟਿੰਗ ਦੌਰਾਨ ਸੌਂਪੇ ਗਏ ਮੰਗ-ਪੱਤਰ ਦੇ ਆਧਾਰ ’ਤੇ ਹੇਠ ਮੁੱਖ ਮੁੱਦਿਆਂ ’ਤੇ ਗੱਲਬਾਤ ਕੀਤੀ ਗਈ!ਆੜਤੀਆ ਐੱਸ ਪੰਜਾਬ ਨੇ ਆੜ੍ਹਤੀਆਂ ਦੇ 2.5% ਕਮਿਸ਼ਨ (ਦਾਮੀ) ਦੀ ਬਹਾਲੀ ਕਰਨ, ਮੰਡੀ ਮਜ਼ਦੂਰੀ ਦੀਆਂ ਦਰਾਂ ਵਿੱਚ ਘਿਟੋ ਘਟ 50% ਵਾਧਾਕਰਨ, ਮੰਡੀ ਮਜ਼ਦੂਰਾਂ ਨੂੰ ਈ.ਪੀ.ਐਫ. ਤੋਂ ਛੋਟ ਦੇਣ , ਲਿਫਟਿੰਗ ਦੌਰਾਨ ਨਮੀ ਦੇ ਨੁਕਸਾਨ ਦੀ ਭਰਪਾਈ ਆੜਤੀਆਂ ਤੇ ਨਾ ਪਾਉਣ, ਪੰਜਾਬ ਦੇ ਗੋਦਾਮਾਂ ਵਿੱਚ ਜਗ੍ਹਾ ਦੀ ਭਾਰੀ ਕਿੱਲਤ ਦਾ ਜਲਦੀ ਹੱਲ ਕਰਨ ਅਤੇ ਹਾਈਬ੍ਰਿਡ ਝੋਨੇ ਦੀ ਡਿਲੀਵਰੀ ਸ਼ਰਤਾਂ ਵਿੱਚ ਢਿੱਲ ਦੇਣ ਦੀ ਕੇਂਦਰ ਸਰਕਾਰ ਤੋਂ ਮੰਗ ਕੀਤੀ ਗਈ!
ਚੇਅਰਪਰਸਨ ਚਰਨਜੀਤ ਸਿੰਘ ਚੰਨੀ ਅਤੇ ਸਮੂਹ ਪਾਰਲੀਮੈਂਟ ਮੈਂਬਰਾਂ ਨੇ ਸਾਡੀਆਂ ਸਾਰੀਆਂ ਮੰਗਾਂ ਨੂੰ ਬਹੁਤ ਹਮਦਰਦੀ ਨਾਲ ਸੁਣਿਆ ਅਤੇ ਵਿਸ਼ਵਾਸ ਦਿਵਾਇਆ ਕਿ ਉਹ ਇਹਨਾਂ ਮਸਲਿਆਂ ਦੇ ਹੱਲ ਲਈ ਜਲਦੀ ਹੀ ਠੋਸ ਕਦਮ ਚੁੱਕਣਗੇ ਅਤੇ ਪਾਰਲੀਮੈਂਟ ਵਿੱਚ ਇਹਨਾਂ ਮੁੱਦਿਆਂ ’ਤੇ ਸਕਾਰਾਤਮਕ ਨਤੀਜੇ ਲਿਆਉਣ ਲਈ ਪੂਰੇ ਯਤਨ ਕਰਨਗੇ। ਇਸ ਮੌਕੇ ਆੜਤੀਆ ਐਸੋ, ਪੰਜਾਬ ਦੇ ਆਗੂ ਸੁਰਿੰਦਰ ਪਾਲ , ਰਜਿੰਦਰ ਅਰੋੜਾ, ਪੁਨੀਤ ਜੈਨ, ਗੌਰਵ ਥੰਮਣ ਅਤੇ ਪਿਰਥੀਪਾਲ ਸਿੰਘ ਧਾਂਦਦੀਆਂ ਇਸ ਮੌਕੇ ਹਾਜ਼ਰ ਸਨ!