ਕਾਂਗਰਸ ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਤੋਂ ਬਾਅਦ ਹੁਣ ਆਜ਼ਾਦੀ ਬਚਾਉਣ ਦੀ ਲੜਾਈ ਲੜ ਰਹੀ : ਰਜਿੰਦਰ ਸਿੰਘ

ਕਾਂਗਰਸ ਨੇ ਪਹਿਲਾ ਦੇਸ਼ ਨੂੰ ਆਜ਼ਾਦ ਕਰਵਾਉਣ ਲਈ ਲੜ੍ਹਾਈ ਲੜੀ ਅਤੇ ਹੁਣ ਆਜ਼ਾਦੀ ਬਚਾਉਣ ਲਈ ਲੜਾਈ ਲੜ ਰਹੀ ਹੈ!ਦੇਸ਼ ਨੂੰ ਅੱਜ ਕਾਰਪੇਟ ਘਰਾਣਿਆਂ ਵਲੋਂ ਕੀਤੀ ਜਾ ਰਹੀ ਲੁੱਟ ਅਤੇ ਪੰਜਾਬ ਦੀ ਖੇਤੀ-ਕਿਸਾਨੀ ਨੂੰ ਬਚਾਉਣ ਲਈ ਕਾਂਗਰਸ ਦਾ ਸਾਥ ਦੇਣ ਦੀ ਲੋੜ ਹੈ!ਆਜ਼ਾਦੀ ਟਕਸਾਲੀ ਕਾਂਗਰਸੀ ਆਗੂ ਅਤੇ ਹਲਕਾ ਸਮਾਣਾ ਦੇ ਸਾਬਕਾ ਵਿਧਾਇਕ ਰਜਿੰਦਰ ਸਿੰਘ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਪਹਿਲਾਂ ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਲੜ ਕੇ ਦੇਸ਼ ਨੂੰ ਆਜ਼ਾਦ ਕਰਵਾਇਆ, ਵਿਕਾਸ ਕੀਤਾ ਅਤੇ ਦੇਸ਼ ਨੂੰ ਇਕ ਜੁੱਟ ਕੀਤਾ। ਹੁਣ ਕਾਂਗਰਸ ਦੇਸ਼ ਦੀ ਆਜ਼ਾਦੀ ਬਚਾਉਣ ਦੀ ਲੜਾਈ ਲੜ ਰਹੀ ਹੈ, ਜਿਸ ਵਿੱਚ ਦੇਸ਼ ਦਾ ਨੌਜਵਾਨ ਵਰਗ ਰਾਹੁਲ ਗਾਂਧੀ ਨਾਲ ਜੁੜ ਰਿਹਾ ਹੈ। ਉਹ ਪਟਿਆਲਾ ਵਿਖ਼ੇ ਕਾਂਗਰਸ ਪਾਰਟੀ ਦੀ ਇੱਕ ਅਹਿਮ ਮੀਟਿੰਗ ਨੂੰ ਸੰਬੋਧਨ ਕਰ ਰਹੇ ਸਨ, ਜਿਸ ਵਿੱਚ ਸੈਂਕੜੇ ਵਰਕਰਾਂ ਨੇ ਸ਼ਿਰਕਤ ਕੀਤੀ।
ਸਾਬਕਾ ਵਿਧਾਇਕ ਨੇ ਕਿਹਾ ਕਿ ਦੇਸ਼ ਨੂੰ ਕਾਰਪੋਰੇਟ ਘਰਾਣਿਆਂ ਦੀ ਲੁੱਟ ਤੋਂ ਬਚਾਉਣ, ਪੰਜਾਬ ਦੀ ਖੇਤੀ, ਕਿਸਾਨਾਂ ਅਤੇ ਮਜ਼ਦੂਰਾਂ ਦੇ ਹੱਕਾਂ ਲਈ ਕਾਂਗਰਸ ਦਾ ਸਾਥ ਦੇਣਾ ਸਮੇਂ ਦੀ ਮੁੱਖ ਲੋੜ ਹੈ । ਉਨ੍ਹਾਂ ਕੇਂਦਰ ਸਰਕਾਰ ’ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਧਰਮ ਦੇ ਨਾਮ ’ਤੇ ਵੰਡ ਪਾ ਕੇ ਰਾਜ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਦੇਸ਼ ਦੀ ਆਰਥਿਕ ਹਾਲਤ ਬਹਤੁ ਮਾੜੀ ਹੋ ਚੁੱਕੀ ਹੈ। ਉਨ੍ਹਾਂ ਮੌਜੂਦਾ ਪੰਜਾਬ ਸਰਕਾਰ ’ਤੇ ਵੀ ਤਿੱਖੇ ਹਮਲੇ ਕਰਦਿਆਂ ਆਖਿਆ ਕਿ ਝੂਠੇ ਵਾਅਦੇ ਕਰਕੇ ਸੱਤਾ ਵਿੱਚ ਆਈ
ਪਾਰਟੀ ਨੇ ਪੰਜਾਬ ਨੂੰ ਆਰਥਿਕ ਤੌਰ ’ਤੇ ਕੰਗਾਲ ਕਰ ਦਿੱਤਾ ਹੈ। ਅੱਜ ਮੁਲਾਜ਼ਮ, ਕਿਸਾਨ, ਮਜ਼ਦੂਰ ਅਤੇ ਵਿਦਿਆਰਥੀ ਧਰਨਿਆਂ ’ਤੇ ਹਨ। ਉਨ੍ਹਾਂ ਸਮੂਹ ਪੰਜਾਬੀਆਂ ਨੂੰ ਪੰਜਾਬ ਨੂੰ ਬਚਾਉਣ ਲਈ ਇਕਜੁੱਟ ਹੋ ਕੇ 2027 ਵਿੱਚ ਕਾਂਗਰਸ ਦੀ ਸਰਕਾਰ ਬਣਾਉਣ ਦੀ ਅਪੀਲ ਕੀਤੀ ਇਸ ਮੌਕੇ ਯਸ਼ਪਾਲ ਸਿੰਗਲਾ, ਡਾ. ਪ੍ਰੇਮਪਾਲ, ਜੀਵਨ ਗਰਗ, ਰਾਕੇਸ਼ ਜਿੰਦਲ, ਰਿਸ਼ੂ ਸਿੰਗਲਾ, ਰਜਿੰਦਰ ਬਾਲੀ, ਅਜੇ ਬਾਂਸਲ, ਪਵਨ ਸ਼ਾਸਤਰੀ, ਸ਼ਿਵ ਕੁਮਾਰ ਘੱਗਾ, ਸੁਖਵਿੰਦਰ ਕਾਲਾ, ਨੈਬ ਸਿੰਘ ਭਾਨਰੀ, ਰਤਨਜੀਤ ਸਿੰਘ ਜਾਹਲਾਂ, ਸੁਖਦੇਵ
ਨਿਜਾਮਨੀਵਾਲਾ, ਰਤਨ ਚੀਮਾ, ਗੁਰਵਿੰਦਰ ਖੇੜੀ ਮਾਨੀਆਂ, ਗੁਰਪ੍ਰੀਤ ਰਾਜਗੜ੍ਹ, ਯਾਦਵਿੰਦਰ ਸਿੰਘ ਧਨੌਰੀ, ਕੁਲਦੀਪ ਦੀਪਾ, ਰਿੰਪੀ, ਜੱਗਾ ਪਟਵਾਰੀ, ਮਨਜੋਤ ਵੜੈਚ, ਕਰਨ ਸੰਧੂ, ਰਵਿੰਦਰ ਡਕਾਲਾ, ਡਾ. ਰਾਜ ਕੁਮਾਰ ਡਕਾਲਾ, ਗੁੱਲੂ ਬਾਂਸਲ, ਰਾਮ ਬਾਂਸਲ, ਅਵਤਾਰ ਬਠੋਈ, ਧਰਮ ਸਿੰਘ ਪਹਾੜਪੁਰ, ਭੋਲੀ ਸੱਸੀ ਗੁੱਜਰਾਂ, ਪਰਮਿੰਦਰ ਨਵਾਂਗਾਓਂ, ਜਤਿਨ ਵਰਮਾ, ਗਗਨ ਸਿੰਗਲਾ, ਦੀਪੂ ਬਾਲੀ, ਹਰਪ੍ਰੀਤ ਕੁਕਾ, ਸੰਜੇ ਧਰੇਜਾ, ਲਲਿਤ ਜੈਨ, ਸ਼ੀਲ ਸੰਧਰ ਅਤੇ ਚੌਨੀ ਸ਼ਰਮਾ ਸਮੇਤ ਵੱਡੀ ਗਿਣਤੀ ’ਚ ਆਗੂ ਤੇ ਵਰਕਰ ਹਾਜ਼ਰ ਸਨ।